Víkingar völtuðu yfir Esju í Laugardal í gærkvöld, lokatölur 12-1. Víkingar voru án Orra Blöndal, Hilmars Leifssonar og Einars Valentine sem eru allir meiddir auk Sigurðar Reynissonar sem er enn fjarverandi. Matthías Már Stefánsson fékk sitt annað tækifæri í byrjunarliðinu og skoraði sitt fyrst mark í meistaraflokki og átti þar að auki mjög góðann leik.

Fyrirlestur á vegum íshokkídeildarinnar er í kvöld kl 20:00 í skautahöllinni. Enþá hægt að skrá sér og mæta en skráning fer fram hjá Söruh Smiley. Sólveig Rósa Davíðsdóttir sálfræðingur mun halda erindið: Þátttaka og stuðningur foreldra í íþróttaiðkun barna sinna. Hvaða væntingar höfum við sem foreldrar og hvað getum við gert til að styðja við andlegt og líkamlegt heilbrigði barnanna okkar? Fjallað verður um stuðning foreldra við börnin, m.t.t. svefns, næringar, streitu og álags. Boðið verður uppá umræður, fyrirspurnir og spjall í lok fyrirlestrar.

Ásynjur höfðu betur gegn Birninum á laugardag og tryggðu sér þar með deildarmeistaratitilinn í meistaraflokki kvenna þegar 4 leikir eru eftir af mótinu, lokatölur 3-1. Ásynjur höfðu tögl og haldið í leiknum og spiluðu virkilega góðann leik. Ásynjur hafa því enn með ekki tapað leik á tímabilinu en þetta var næst síðasti leikur þeirra á tímabilinu.

Að venju voru leikirnir sendir út á SA TV og teknir upp um leið. Þeir eru nú komnir upp á vimeo og hér fyrir neðan má finna slóðina á þá.

Víkingar unnu góðann sigur á sterku liði SR í gærkvöld, lokatölur 7-4. Aðeins 7 stig skildu liðin að fyrir leikinn í gær en baráttann um sæti í úrslitakeppninni er gríðarlega hörð. Leikurinn var opinn og skemmtilegur, mikið af mörkum og falleg tilþrif. Að venju er leikurinn kominn upp á vimeo, http://www.ihi.is/is/upptokur .

Emilía Rós Ómarsdóttir var heiðruð síðastliðið mánudagskvöld í félagsherbergi Skautafélagsins en hún var á dögunum valinn íþróttamaður Skautafélags Akureyrar 2014. Sigurður Sigurðsson afhenti Emilíu farandbikar við tilefnið en í bikarinn eru grafin nöfn allra þeirra sem hlotið hafa nafnbótina íþróttamaður Skautafélags Akureyrar. Henni var einnig afhentur verðlaunargripur til eignar og blóm.

Ásynjur báru sigurorð af SR í leik helgarinnar, lokatölur 3-1. Fyrirfram var búist við nokkuð auðveldum sigri Ásynja en annað kom á daginn þar sem SR liðið spilaði virkilega vel og gerði sterku lið Ásynja erfitt fyrir.

Minningarsjóður Magnúsar Einars Finnssonar hlaut nýverið styrk frá Norðurorku en Norðurorka úthlutar styrkjum til samfélagsverkefna árlega. Sigurður Sveinn Sigurðsson formaður skautafélagsins tók við styrknum fyrir hönd sjóðsins á athöfn sem haldin var í matsal Norðurorku. Stjórn sjóðsins þakkar Norðurorku fyrir styrkinn og mun sjá til þess að hann skili sér til góðra verkefna hjá Skautafélaginu.

Sýnt var beint frá keppni á seinni degi RIG á Rúv í dag en þetta var í fysta skipti sem sýnt er beint frá móti í listhlaupi á Íslandi. Sigurganga SA stúlkna hèlt áfram á RIG í dag. Novice stúlkurnar okkar þrjár röðuðu sèr í þrjú efstu sætin eftir geysi harða innbirðis keppni.

Átta A keppendur frá listhlaupadeild SA taka þátt í RIG um helgina. Keppni hófst í gær með keppnishópnum 8A þar gerði hin knáa Ísold Fönn Vilhjálmsdóttir gerði sèr lítið fyrir og vann flokkin með miklum yfirburðum með 28,66 stigum.