Skautafélag Akureyrar

Þá erum við í hokkídeildinni búin að klára íshokkíveturinn með style! Við enduðum vetrarstarfið okkar með hinu skemmtilega vormóti sem við höldum alltaf í maí. Um er að ræða innanfélagsmót með 5 deildum, 17 lið í heildina fyrir krakka á aldrinum 4-16 ára. Mótinu lauk formlega með lokahófi á þriðjudaginn s.l. þar sem þátttakendur úr yngri flokkunum gæddu sér á grilluðum pylsum og allir fóru heim með viðurkenningar. Lesa meira

Minningarstund um Sergii sem starfað hefur sem þjálfari listskautadeildar í vetur en lést í síðustu viku verður haldin á fimmtudaginn 1. júní kl. 17:00 í fundarsal ÍBA í íþróttahöllinni. Séra Hildur Eir Bolladóttir mun stýra stundinni en Karen Halldórsdóttir flytur minningarorð og Ívar Helgason tónlistaratriði. Lesa meira

Skauta- og íshokkí leikjanámskeið fyrir börn fædd 2013-2017 verður haldið í tvö skipti í júní og kostar 9000 kr hvor vikan fyrir sig. Námskeiðin verða 12-16. júní og svo 19.-23. júní. Skráning er á Sportabler.com/shop/sa/ishokki. Námskeiðin eru frábært tækifæri fyrir bæði byrjendur sem og iðkendur til þess að skemmta sér í leikjum og fá skautakennslu í leiðinni. Námskeiðið fer fram í og við Skautahöllina. Það er hægt að velja á milli þess að vera í listskautum eða í fullum íshokkíbúnaði og er hægt að fá allan búnað lánaðan á staðnum. Sarah Smiley hefur yfirumsjón með námskeiðinu, hockeysmiley@gmail.com fyrir nánari upplýsingar. Lesa meira

Hokkídeild SA hélt árshátíð sína þann 4. maí s.l. Það voru 123 sem fögnuðu saman tímabilinu, leikmenn frá u14 og upp úr, foreldrar og félagsmenn. Árinu var fagnað með góðum mat frá Vitanum Mathúsi og skemmtilegum myndbrotum úr leikjum vetrarins voru sýnd. Að lokum var verðlaunaafhending til einstaklinga eins og sjá má hér að neðan. Við óskum verðlaunahöfum til hamingju og bíðum spennt eftir nýjum hokkívetri. Lesa meira

Á aðalfundi listhlaupadeildarinnar mánudaginn 8. maí síðastaliðinn var borin upp tillaga að nafnabreytingu úr Listhlaupadeild Skautafélags Akureyrar í Listskautadeild skautafélags Akureyrar. Lesa meira

Listskautadeild Skautafélags Akureyrar stendur fyrir hinni árlegu Vorsýningu laugardaginn 20.maí nk. kl: 17:00. Lesa meira

Íshokkíþing 2023 var haldið um helgina í Pakkhúsinu á Akureyri. Alls voru mættir 19 þingfulltrúar frá aðildarfélögum ÍHÍ ásamt gestum. Dagskrá þingsins var samkvæmt lögum ÍHÍ og því nokkuð hefðbundin. Góðar umræður voru um laga- og reglugerðarbreytingar og önnur störf ÍHÍ síðustu árin. Ólöf Björk Sigurðardóttir fékk afhent gullmerki ÍSÍ fyrir sjálfboðaliðastörf í íþróttahreyfingunni en hún er nú að hefja sitt tuttugasta tímabil sem formaður íshokkídeildar Skautafélags Akureyrar. Lesa meira

Aðalfundur hokkídeildar var haldin í vikunni þar sem kosin var ný stjórn. Ólöf Björk Sigurðardóttir er áfram formaður stjórnarinnar og fer inn í sitt 20. tímabil sem formaður íshokkídeildar. Auk Ólafar voru kosin í stjórn þau Anna Sonja Ágústsdóttir, Elísabet Ásgrímsdóttir, Ari Gunnar Ólafsson, Benjamín Davíðsson, Ólafur Þorgrímsson, Eiríkur Þórðarson og Sæmundur Leifsson. Lesa meira

SA Jötnar tryggðu sér Íslandsmeistaratitilinn í U16 um helgina þegar úrslitahelgin fór fram. Mikil spenna var fyrir helgina þar sem aðeins þremur stigum munaði á milli Jötna og Víkinga en SA Víkingar unnu báða sína leiki gegn SR og tryggðu sér titilinn en SA Víkingar voru í öðru sæti, SR í þriðja og Fjölnir í fjórða. Lesa meira

Boðað er til aðalfundar Skautafélags Akureyrar miðvikudaginn 10. maí kl. 20.00 í fundarherbergi ÍBA í íþróttahöllinni. Venjuleg aðalfundarstörf skv. lögum félagsins. Lesa meira

Aðalfundur Íshokkídeildar Skautafélags Akureyrar verður haldinn þriðjudaginn 9. maí kl. 18:00 í fundarherbergi ÍBA í íþróttahöllinni. Lesa meira

Máunudaginn 8. maí kl. 18:30 Lesa meira

Aðalfundur Listhlaupadeildar Skautafélags Akureyrar verður haldinn mánudaginn 8. maí kl. 20:00 í fundarherbergi ÍBA í Íþróttahöllinni. Lesa meira

SA liðin tryggðu sér báða Íslandsmeistaratitlana í síðasta helgarmóti U14 sem fram fór í Skautahöllinni á Akureyri um nýliðna helgi. SA Víkingar tryggðu sér Íslandsmeistaratitilinn í flokki A-liða og urðu SA Jötnar í öðru sæti. SA Garpar tryggðu sér Íslandsmeistaratitilinn í flokki B-liða. Við óskum þeim öllum til hamingju með titlana og árangurinn í vetur. Lesa meira

Íslenska karlalandsliðið í íshokkí hefur leik á Heimsmeistaramótinu í II deild A á morgun. Ísland er nú að taka þátt í deildinni í fyrsta sinn síðan 2018 en liðið vann B deildinna á heimavelli á síðasta ári. Mótið fer fram í Pista De Hielo Skautahöllinni í Madríd á Spáni en auk Íslands eru í riðlinum heimaliðið Spánn, Ástralía, Króatía, Ísrael og Georgía. Ísland mætir Georgíu í fyrsta leik mótsins sem fer fram á morgun kl. 10:30 á íslenskum tíma. Lesa meira

Krílanámskeið í íshokkí og listhlaupi fyrir börn fædd 2016-2019 verður haldið út apríl á þriðjudögum og fimmtudögum kl. 16:15-17:00. Verð er 5.000 kr og allur búnaður innifalinn. Skráning í gegnum sportabler. Lesa meira

Stjórn Skautasambands Íslands veitir Heiðursmerki ÍSS til þeirra sem starfa og iðka innan skautahreyfingarinnar. Lesa meira

Vormót ÍSS fór fram um síðastliðna helgi í Skautahöllinni á Akureyri. Mótið fór vel fram og mættu skautarar fullir eldmóðs til þess að sýna hvað í þeim býr. Lesa meira

Íslenska U18 landsliðið fékk silfur á HM í 3.deild eftir svekkjandi tap gegn Ísrael í síðasta leik mótsins. Leikurinn var hreinn úrslitaleikur fyrir fullu húsi gesta en Ísrael fékk draumabyrjun í leiknum og komust í 2-0 í fyrstu lotu. Ísland náði að minnka munninn í 3. lotu í 2-1 en nær komumst við ekki því Ísrael bætti við þremur mörkum og tóku gullverðlaunin á mótinu. Birki Einisson var valinn besti leikmaður íslenska liðsins á mótinu og Arnar Helgi Kristjánsson var valinn besti varnarmaður mótsins. Lesa meira

Úrslitakeppnin í Hertz-deild karla í íshokkí hefst næsta þriðjudag 21. mars. SA Víkingar taka þá á móti Skautafélagi Reykjavíkur en SA Víkingar eru deildarmeistarar og byrja því á heimavelli en vinna þarf þrjá leiki til þess að tryggja sér Íslandsmeistaratitlinn í íshokkí. Leikurinn á þriðudag hefst kl. 19:30. Miðaverð er 1500 kr. en frítt inn fyrir 16 ára og yngri. Hægt er að tryggja sér miða í forsölu í Stubb. Við hvetjum fólk til þess að mæta í rauðu og litum þannig stúkuna í okkar lit. Sjoppan verður opin svo engin þarf að fara svangur heim. Áfram SA! Lesa meira