Ath. engin æfing verður hjá Hóffu á þriðjudaginn af óviðráðanlegum orsökum.

Hittumst á þriðjudaginn eftir viku. ;o)

kv. Hóffa

Núna í desember verða liðin 10 ár frá því skautahöllin á Akureyri var tekin í notkun.  Það var á aðfangadag árið 1999 sem fyrstu menn mættu á ísinn en þar voru á ferðinni hokkímenn sem héldu í sína árlegu hefð að spila svokallað jólahokkí.  Skautahöllin var þó ekki formlega vígð fyrr í 25. mars 2000 þegar forsetinn Ólafur Ragnar Grímsson vígði höllina með pompi og prakt, en vígslan var hluti af hátíðardagskrá Vetraríþróttahátíðar árið 2000.

Það voru mikil stakkaskipti fyrir norðlensk skautafólk og krulluspilara að fá loksins þak yfir höfuðið.  Íþróttir félagsins höfðu verið háðar duttlungum veðurguðanna allt of lengi og með árunum og hlýnandi loftslagi var nánast orðið ómögulegt að halda úti svelli undir berum himni.  Við höfðum þó notið þess að vera með vélfryst svell síðan í janúar árið 1988, sem á þeim tíma var mikil bylting fyrir okkur og segja má að við höfum barist hetjulega við veðrið í gegnum árin.  Það má leiða líkum að því að við hefðum ekki getað haldið áfram starfsemi félagsins hefði Skautahöllin ekki komið til.  Síðasti veturinn okkar án hússins var mjög erfiður og þau voru mörg skiptin sem þurfti að byggja ísinn aftur upp frá grunni.

Á þessum 10 árum hefur starfsemi félagsins blómstrað.  Mikil og fjölbreytt starfsemi fer fram í húsinu og auk íþróttanna þriggja, krullu, listhlaups og íshokkí eru þar opnir tímar fyrir almenning 5 daga vikunnar.  

Í gærkvöldi fóru fram tveir leiki í Egilshöllinni þegar meistaraflokkar karla og kvenna Bjarnarins og SA tókust á.  Karlaflokkurinn reið á vaðið og fór mikinn strax í upphafi leiks og náði fljótt 5 marka forystu og voru í þægilegri 5 – 0 stöðu eftir 1. lotu.  Leikurinn jafnaðist í framhaldinu en ekkert mark var skoraði í 2. lotu og í 3. lotu settu bæði lið tvö mörk.  Lokastaðan 7 – 2 SA í vil og nokkuð auðveldur sigur í höfn.   Mörk SA skorðu Steinar Grettisson með hat-trick, Orri Blöndal með 2, Ingvar Jónsson 1 og Helgi Gunnlaugsson 1.

Halló, kertin sem við munum taka eru sömu og í fyrra 2 saman í pk. og eru 14 pk. í kassa, en ekki þau sem ég var búin að gefa upp. Það eru ekki margir búnir að láta vita en allir krakkar sem eru að æfa og keppa í A,B og C hópum geta selt kertin og safnað upp í skautaæfingabúðirnar sem verða í sumar eða í keppnisferðir  nú ef þú hættir að æfa þá færðu peninginn þinn greiddan út. Endilega sendið mér mail sem fyrst svo að hægt sé að fara að panta þau og byrja að selja. Þetta eru hvít tólgarkerti og brenna vel.

kv. Allý - allyha@simnet.is

Nú eru skautabuxurnar komnar og pantanir óskast strax, þetta verður jafnvel síðasta pöntun fyrir jól og er þetta tilvalin jólagjöf í skautabarnsins.. Edilega pantið núna.

kv. Allý- allyha@simnet.is

Minni á kerta söluna sem við ætlum að fara í um mánaðarmótin....

Fámennt lið SA drengja laut í lægra haldi fyrir Bjarnar drengjum í gærkvöldi með 5 mörkum gegn 1.  Engar fréttir hafa borist okkur af afrekum yngstu barnanna þ.e. 5., 6. og 7.flokks en þau lögðu á föstudaginn leið sína til Reykjavíkur á fyrsta barnamót vetrarins sem haldið er að þessu sinni í Laugardalnum. Þessi frétt birtist á SRvefnum í gær. Þau eru svo væntanleg heim í dag um kvöldmatarleitið. Við vonum að þau hafi skemmt sér hið besta og nánari komutími verður settur inn á vefinn þegar hann liggur fyrir.

Halló, nú er að koma að fjáröflun hjá listhlaupa krökkum og í tilefni þess að jólin nálgast þá hef ég hugsað mér að við gætum selt útikerti,, þeir sem hafa áhuga á að taka þátt í að selja þau endilega sendið mér mail. Kertin eru 36 stk. í kassa og gott væri ef heill eða hálfur kassi er tekinn hvort sem það verða ein, tvær eða fleiri saman með kassa. Ágóðann á sú/ sá sem selur, þetta fer ekki í sameiginlegan pott.  Ef þú vilt selja kerti sendu mér mail og láttu vita hversu mörg kert þú vilt fá. Þetta skulum við gera bara strax um mánaðarmótin þ.e. í byrjum nóvember.

 kv. Allý - allyha@simnet.is