Jólin eru handan við hornið og þá verða breytingar á almenningstímum og æfingartímum deildanna svo við bendum iðkenndum á að skoða jólatímatöflurnar hér vinstra megin í valmyndinni. Almenningstímum fjölgar og þá eru einnig margir skemmtilegir viburðir á vegum Skautahallarinnar og deildanna sem vert er að hafa í huga svo engum ætti að leiðast yfir jólin.

SA Víkingar unnu þægilegan en ekki auðveldan 5-1 sigur á SR í gærkvöld í síðasta heimaleik liðsins fyrir jól. Esja vann Björninn á sama tíma syðra og lengdist þá enn bilið á toppi deildarinnar í liðin í þriðja og fjórða sæti. SA Víkingar eiga þá aðeins eftir einn útileik fyrir jól gegn Esju um næstu helgi en SA eiga 4 stig á Esju fyrir leikinn og SA fara því sannarlega inn í jólafríið á toppnum í deildinni hvernig sem sá leikur fer.

Nú á ég til nokkrar af þessu fínu flís skautabuxum

SA Víkingar taka á móti SR í Skautahöllinni á Akureyri annað kvöld, þriðjudaginn 15. desember kl 19.30. Þetta er síðasti heimaleikur Víkinga fyrir jól en liðið situr nú í efsta sæti Hertz deildarinnar með 28 stig, 10 stigum meira en SR sem er í þriðja sæti deildarinnar.

Þau Elise Marie Väljaots og Björn Már Jakobsson hafa verið útnefnd íshokkífólk ársins 2015 hjá SA. Þau voru heiðruð á svellinu fyrir leikinn gegn SR í gærkvöld. Skautafélag Akureyrar óskar þeim til hamingju með nafnbótina.

Annarflokkur SA vann 8-1 sigur á liði SR í gær en liðin mættust svo aftur nú í morgun og þá urðu lokatölur 10-5 SA í vil.

Ásynjur lögðu SR í gærkvöld með tíu mörkum gegn engu en liðin mættust aftur nú í bítið og þá urðu lokatölur 3-2 Ásynjur í hag eftir dramatískar lokasekúndur í venjulegum leiktíma þar sem jöfnunarmark Ásynja kom á síðustu sekúndu leiksins.

Bæði Ásynjur og 2. flokkur leika tvíhöfða gegn liðum SR um helgina þar sem leikið verður á laugardag og sunnudag. Allar æfingar hokkídeildar falla því niður vegna þessa fyrir hádegi á laugardag og sunnudag.

Höfum fengið nokkur boð um opin krullumót út um allan heim.

Enn á ég til þessar frábæru og bestu skautatöskur einlitar og munstraðar.