Þá er að koma að maraþoninu. Maraþonið byrjar fyrir iðkendur LSA klukkan 18.00 laugardaginn 7 maí og lýkur klukkan 17.00 sunnudaginn 8 maí, þjálfarar deildarinnar byrja að skauta klukkan 17.00. Krullan er að klára Ice Cup og þarf tíma til að ganga frá og þess vegna viljum við engöngu fá þjálfara inn á ís klukkan 17.00 og aðrir iðkendur komi ekki í hús fyrr en 17.45. Tímaplan og hópaskiptingar hanga uppi í höllinni og FORELDRAR verða að skrá sig á foreldravaktina, það verða

Aðalfundur Foreldrafélags LSA verður haldinn mánudagskvöldið 9. maí 2011 í Skautahöllinni.  Fundurinn hefst kl. 19:30, þ.e. hálfri klukkustund á undan aðalfundi LSA sem kemur í kjölfarið.  Farið verður yfir starfsemi vetrarins og mynduð stjórn fyrir næsta vetur.  Okkur vantar 2 aðila í stjórn fyrir næsta vetur svo endilega látið vita í netfangið h1@talnet.is ef þið hafið áhuga á að starfa í foreldrafélaginu.  Annars bara kærar þakkir fyrir samstarfið í vetur.

Afís fyrir A og B verður samkvæmt tímatöflu (allir sem hafa mætt fengu blað hjá Ivetu) er til og með 14 maí.

Aðalfundur Skautafélags Akureyrar verður haldinn í Skautahöllinni fimmtudaginn 19. maí kl. 19:30.  Á dagskrá verða venjuleg aðalfundarstörf.

Þórir Tryggvason ljósmyndari kom á Vorsýningu listhlaupadeildar og tók fjölmargar virkilega skemmtilegar myndir.

Á morgun, þriðjudaginn kl. 18:00 hefur Josh boðað til fundar í Skautahöllinni.  Þangað eiga allir meistaraflokksmenn að mæta, bæði Jötnar og Víkingar.  Fundarefnið verður sumaræfingar og undirbúningur næsta tímabils.  Við ætlum einnig að nota tækifærið og hreinsa út úr meistaraflokksklefanum og búningageymslunni.  Grípið því hokkítöskurnar ykkar með og takið gallanna ykkar heim - annars endar gírinn á nýjum íslokasið sem verður vegleg sokka, bróka og handklæðabrenna en það yrði á við veglega áramótabrennu.

Frá opnun Skautahallarinnar höfum við boðum skautafólki upp á hjálma án endurgjalds en það var Sjóvá sem upphaflega styrkti okkur um bláa Jofa hjálma sem síðan hafa verið mikið notaðir síðasta áratuginn.  Nú var hins vegar kominn tími á að endurnýja a.m.k. hluta hjálmanna og aftur leituðum við til Sjóvá sem tók vel í hugmyndina og keypti 100 nýja hjálma.  50 hjálmar komu nú fyrir páskana og aðrir 50 koma á næsta vetri.Að þessu sinni voru keyptir öflugri hjálmar en síðast, að tegundinni Bauer en það var Birgir Örn Sveinsson í Litlu hokkíbúðinni sem hafði milligöngu um kaupin.   Þetta eru góðir og öryggir hjálmar í öllum stærðum fyrir jafnt unga sem aldna.