Á sunnudaginn gerðum við okkur lítið fyrir og töpuðum fyrir Birninum á heimavelli, en það hefur ekki gerst í áraraðir.  Þrátt fyrir allt áttum við ágætan leik og fjöldi skota á markið segir allt sem segja þarf því á meðan við áttum 40 skot á mark Bjarnarmanna áttu þeir aðeins 16 á okkar mark, en nýttu færin sín hins vega mjög vel.  Það er því ljóst að vinnum ekki leiki með 69% markvörslu og ekkert annað í stöðunni en að endurskipuleggja varnarleikinn og senda markmennina til Síberíu.

Stjórn Hokkídeildarinnar sendir öllum iðkendum og velunnurum jólakveðjur og þakkar samstarfið á árinu sem er að líða með ósk um farsælt komandi ár.

Síðasti meistaraflokksleikur ársins verður spilaður á Akureyri þann 27. desember. Þar munu eigast við Akureyskir Víkingar og lið Bjarnarins. SRingar eru efstir með 19 stig eftir 10 leiki en SA og Björninn hafa spilað 9 leiki hvor og eru með 17 og 6 stig svo að með sigri í þessum leik myndi SA sigla inn í nýtt ár á toppi deildarinnar (o:    Liðin hafa spilað 4 sinnum hvort gegn öðru í vetur og hafa SAmenn alltaf haft betur en Bjarnarmönnum hefur tvívegis tekist að leggja SRinga svo allt getur gerst og víst að það verður mikil barátta og spenna og hægt að lofa hörkuleik sem enginn hokkíunnandi ætti að láta framhjá sér fara  ÁFRAM SA ..........