Krullumaður ársins: Jón Ingi Sigurðsson

Jón Ingi Sigurðsson, krullumaður ársins 2009.

Jón Ingi er þar með krullumaður ársins í annað sinn en hann hlaut einnig þessa útnefningu 2005. Jón Ingi stýrði liði sínu, Mammútum, til margra sigra á árinu og er liðið án efa sigursælasta lið ársins 2009. Mammútar sigruðu í fjórum af átta mótum sem liðið tók þátt í og hafnaði í öðru sæti í tveimur mótum til viðbótar. Jón Ingi stýrði liði Mammúta einnig þegar liðið tók þátt í Evrópumótinu fyrir Íslands hönd núna í desember. Þar náði liðið þeim áfanga að ná fyrsta sigri íslensks landsliðs á Evrópumóti en Mammútarnir sigruðu lið Slóvakíu og Hvíta-Rússlands. Jón er vel að þessari viðurkenningu kominn og óskar krulluvefurinn honum til hamingju með útnefninguna.

Krullumaður ársins hefur verið útnefndur á hverju ári frá 2004 og hafa eftirtaldir hlotið þessa viðurkenningu:

2009 - Jón Ingi Sigurðsson (Mammútar)
2008 - Ólafur Númason (Mammútar) og Svanfríður Sigurðardóttir (Fífurnar)
2007 - Ólafur Hreinsson (Kústarnir)
2006 - Jón S. Hansen (Skytturnar)
2005 - Jón Ingi Sigurðsson (Mammútar)
2004 - Gísli J. Kristinsson (Víkingar)