Þorramót í krullu
13.01.2011
Laugardagskvöldið 22. janúar stendur Krulludeildin fyrir opnu móti - Þorramóti í krullu.
Karfan er tóm.
-Valkyrjur unnu Ynjur: 6 - 3
11.01.2011
Í kvöld fór fram leikur í Íslandsmóti kvenna hér í Skautahöllinni og að þessu sinni voru það Akureyrarliðin Valkyrjur og Ynjur. Um var að ræða hörkuleik sem var jafn alveg fram á síðustu mínútu. Liðin skiptust á að skora en það voru Ynjur sem opnuðu reikninginn á 11. mínútu með marki frá Þorbjörgu Geirsdóttur (Geirssonar). Anna Sonja Ágústsdóttir (Ásgrímssonar) jafnaði leikinn nokkru mínútum síðar og þannig stóðu leikar eftir fyrstu lotu.
Í 2. lotu var áfram allt í járnum og hvort lið náði að setja tvö mörk og breyta stöðunni í 3 - 3, en það voru þó Ynjurnar sem voru skrefi framar og Valkyrjur eltu. Mörk Valkyrja skoruðu Birna Baldursdóttir og Guðrún Blöndal en hjá Ynjum voru það Telma Guðmundsdóttir og Kristín Jónsdóttir.
Í 3. lotu hélt jafnræðið áfram fram í miðbik lotunnar en þá skoraði Birna Baldursdóttir sigurmarkið óstudd þegar Valkyrjur voru einum leikmanni færri, og Sarah Smiley fylgdi í kjölfærið og bætti við 5. markinu einnig „short handed“. Síðasta mark leiksins átti svo Birna sem fullkomnaði þrennuna sína þegar hálf mínúta var eftir af leiknum.
Nýársmót Krulludeildar: Ólafur Hreinsson á toppinn
11.01.2011
Ófærð hafði áhrif á þátttökuna í annarri umferð mótsins.
Nýársmót Krulludeildar og "Á svellið stelpur!"
10.01.2011
Í kvöld verður nóg um að vera á svellinu í Skautahöllinni.
Úrslit leikja gærdagsins
09.01.2011
Kvennaleikurinn endaði með sigri SA-Ynja sem skoruðu 5 mörk gegn 1 SR kvenna. Í fylkingarbrjósti Ynjanna fór yngsti leikmaðurinn (eða á maður að segja leikkonan eða vegna ungs aldurs leikstúlkan ?) Silvía Rán með 3 mörk og eina stoð. Karlaleikinn unnu SRingar með 3 mörkum gegn 2 sem bæði komu á milli 58. og 59. mínútu leiksins þannig að ef leikurinn hefði verið aðeins lengri þá kanski ......... Ég vísa því svo á Sigga Sig. að koma kanski með vitræna umfjöllun, ég er ekki sterkur þar (O: Góóóðir SA
Live útsending
08.01.2011
2 leikir í Skautahöllinni í dag
08.01.2011
Nú er orðið ferðafært og SRingar á leið norður og munu spila við SA tvo leiki í dag. Fyrri leikurinn er í meistaraflokki kvenna og byrjar kl. 17,00 og strax á eftir honum leika svo karlar í 2.flokki en sá leikur ætti að öllu venjulega að byrja öðru hvoru megin við hálf átta. ÁFRAM SA ............
Leik kvöldsins frestað vegna veðurs
07.01.2011
Nú um helgina áttu að vera 3 leikir hér í Höllinni. Í kvöld átti að vera leikur á milli SA og SR í 2.flokki karla en þeim leik er frestað vegna ófærðar á milli landshluta en á morgun kl. 17,00 munu eigast við í meistaraflokki kvenna SA Ynjur og kvennalið SR en strax á eftir þeim leik munu etja kappi í 2.flokki karla SA og SR. Það er því í boði frábær fjölskyldu skemmtan hér í Skautahöllinni seinnipartinn á morgun og hvetjum við nú alla velunnara okkar og íþróttarinnar að mæta og halda uppi stemmingu í húsinu sínu liði til stuðnings. ÁRAM SA .....
Bræður hljóta viðurkenningar
07.01.2011
Á dögunum veitti félagið viðurkenningar til íþróttamanna sem þóttu hafa skarað framúr á árinu 2010, líkt og venjan er við lok árs. Sú skemmtilega staða kom upp að það voru bræður sem hlutu viðurkenningu, annars vegar Jón Gíslason fyrir íshokkí og hins vegar Jens Gíslason fyrir krullu.
Jens hefur látið að sér kveða í krullunni undanfarin ár en hann spilaði íshokkí upp alla yngri flokka og upp í meistaraflokk hér á árum áður, sjálfsagt í kringum 1995. Faðir þeirra Gísli Kristinsson hefur verið í fararbroddi í krullunni frá upphafi en hann var fyrsti formaður krulludeildarinnar sem stofnuð var á aðalfundi Skautafélagsins árið 1996. Hann var jafnframt valinn krullumaður ársins árið 2004.