Nokkrar breytingar urðu á aðalstjórn félagsins á aðalfundi félagsins sem haldin var fimmtudagskvöldið 18. maí. Þórdís Ingvadóttir gaf ekki kost á sér áfram sem formaður en verður meðstjórnandi í nýrri stjórn. Jón Rögnvaldsson, Hilmar Brynjólfsson og Sigurgeir Haraldsson hætta í stjórn en áður hafði Jón Hansen sagt sig úr stjórninni.  

Nýkjörin stjórn Skautafélags Akureyrar er þannig skipuð: Lena Kaisa Vitanen formaður (betur þekkt sem Mimmi), Jón Björnsson varaformaður, Ólafur Hreinsson gjaldkeri, Ólöf Sigurðardóttir ritari, og Helga Margrét Clarke, María Jónsdóttir og Þórdís Ingvadóttir meðstjórnendur. Endurskoðendur félagsins voru kjörnir þeir Jón Rögnvaldsson og Sigurgeir Haraldsson.

Upplýst var á fundinum að viðsnúningur hefur orðið á rekstri félagsins í heild og hefur orðið veruleg breyting til batnaðar hjá öllum deildum félagsins í fjármálum þannig að SA félagar geta væntanlega horft með bjartsýni fram á veginn.

Fundurinn var þokkalega sóttur. Fundarstjóri var Sigfús Helgason formaður Þórs og stýrði hann fundinum af mikilli röggsemi. Þess má til gamans geta að stutt hlé var gert á skýrslu gjaldkera Íshokkídeildar á meðan Sylvía Nótt spriklaði á sviðinu í Aþenu.

Föstudaginn 19.maí verður árshátíð SA og Narfa haldin í Lóni v.
Hrísalund kl. 20,30.
Frábær matur og enn betri skemmtiatriði (sem gestir koma með sjálfir)
Skráningar þurfa að berast til Jóhönnu Ólafsd. á johannas19@hotmail.com
eða til Jóns Rögnvaldssonar á tves@internet.is fyrir 16.maí.
Miðaverð er kr. 3.000 og þarf að leggjast inná 0302-26-95239 kr. 290260-7449 fyrir sama tíma.

Jæja það gekk ekki upp í þetta sinn. Samkvæmt frétt á www.ihi.is er lokahófi hreyfingarinnar aflýst

Aðalfundur Skautafélags Akureyrar verður haldin í Skautahöllinni fimmtudagskvöldið 18. maí, kl. 20:00. Fundarefni, venjuleg aðalfundarstörf, lagabreytingar og önnur mál. Tillögur að lagabreytingu liggja frammi hjá aðalstjórn.

Ed Maggiacomo heldur norður til Akureyrar á morgun og hefur boðað alla sem tilkall gera til sætis í landsliðum Íslands þ.e. U18, U20 og kvennaliði á næst komandi tímabili.  Maggiacomo ætlar að fara yfir stöðu mála með öllum þeim sem áhuga hafa á að reyna við sæti í landsliðum á næsta tímabili og verða æfingar bæði á ís og utan íss.  Allir eru velkomnir. Hugmyndin á bak við þetta er að taka stöðu á leikmönnum, sjá hvar þeir eru staddir hvað varðar tækni, styrk og úthald og svo verður farið yfir með hverjum og einum hvað bæta þarf fyrir næsta tímabil.  Hver og einn hefur svo sumarið til að æfa vel og mæta svo að nýju í svipað prógram að hausti þar sem staðan verður endurmetin.  Nú er ekki aðeins verið að einblína á þá sem tekið hafa þátt í landsliðum áður heldur alla þá sem hafa áhuga og eru innan þeirra aldurstakmarkana sem þarf í unglingalandsliðin.  Allir leikmenn kvennaflokks eru hvattir til að mæta.
Mæting er á föstudag kl. 17:00 og þá er gert ráð fyrir einni klst í spjall og upphitun sem fylgt verður eftir með tveggja !!!!!!! 

Með kveðju, Sigurður Sveinn Sigurðsson