SA Víkingar taka á móti Fjölni í Hertz-deild karla í Skautahöllinni á Akureyri á laugardag. SA Víkingar hafa byrjað tímabilið vel og unnið fyrstu tvo leiki sína í deildinni. Fjölnir voru taplausir í venjulegum leiktíma þangað til þeir mætu Víkingum um síðustu helgi í fjörugum leik svo það má búast við hörkuleik á laugardag. Leikurinn hefst kl. 16:45. Forsala miða er hafin á Stubb en miðaverð er 1500 kr. og frítt inn fyrir 16 ára og yngri. Fyllum stúkuna og styðjum okkar lið til sigurs!

Árskortin á leiki í meistaraflokkum kvenna og karla eru í sölu en hér. Gildir á heimaleiki SA í Hertz-deildum karla og kvenna tímabilið 2023/24. Kortið veitir aðgang að félagssal SA klst fyrir leik og í leikhléum þegar félagssalurinn verður klár. Kortið gildir ekki í úrslitakeppni.

Vetrarstarfið er komið á fullt hjá félaginu og Skautahöllin iðar af lífi frá morgni til kvölds. Það hefur sjálfsagt ekki farið fram hjá neinum að miklar framkvæmdir hafa staðið yfir frá því síðasta vetur við nýja félags- og æfingaaðstöðu í höllinni.

Á laugardaginn síðasta fór fram haustmót ÍSS í Egilshöll. SA átti 7 keppendur á mótinu. Mótið hófst á laugardaginn með keppni í félagalínu hluta mótsins. Þar átti SA einn keppanda, hana Kristbjörgu Heiðu sem keppti í flokknum 12 ára og yngri. Hún stóð sig með mikilli prýði. Seinnipartinn var svo komið að keppni í ÍSS línu mótsins...

SA Bikarmeistarar u14 í AA og A liða   SA liðin unnu bæði sigra á skemmtilegu og spennandi bikarmóti sem fór fram í Skautahöllinni um helgina. það Við þökkum Skautafélagi Reykjavíkur og Fjölni fyrir komuna og keppnina.

Íþróttaráðstefna verður haldin í Hátíðarsal Háskólans á Akureyri í samstarfi við Akureyrarbæ, ÍSÍ og ÍBA. Tilgangur íþróttaráðstefnunnar er að skapa vettvang fyrir þá sem að íþróttum koma á margvíslegan hátt, m.a. íþróttafólk, þjálfara og foreldra, rannsakendur, nema og fagaðila, og deila þekkingu sinni og ræða viðfangsefni líðandi stundar í íþróttum. Þema ráðstefnunnar í ár er: Farsæll ferill: Íþróttaferill í meðbyr og mótbyr

SA Víkingar hefja tímabilið í Hertz-deildinni um helgina þegar liðið tekur á móti Íslandsmeisturum síðasta tímabils, Skautafélagi Reykjavíkur. Litlar breytingar eru á hóp SA Víkinga frá síðasta tímabili en hefur þó misst þrjá leikmenn en það eru landsliðsleikmennirnir Gunnar Arason, Heiðar Gauta Jóhannsson og Halldór Skúlason sem eru allir farnir til liða í Svíþjóð. En þrátt fyrir þennan missi er hópurinn þéttskipaður með góðri blöndu af gríðarlega sterkum reynsluboltum og enn stærri hóp ungra og efnilegra leikmanna sem hafa verið að gera sig gildandi í deildinni en einnig kemur ný kippa af leikmönnum inn úr unglingastarfinu. Nýr þjálfari er einnig kominn í brúnna en Jamie Dumont mun stýra liðinu í vetur og verður spennandi að fylgjast með liðinu undir hans stjórn.

Frábær spilamennska hjá SA liðinu í kvöld sem sýndi mikinn vilja og karakter með 6-1 sigri á Fjölni. Liðið er á mikilli siglingu í Hertz-deildinni ósigraðar eftir 3 leiki. Mörkin: Silvía Björgvinsdóttir 2 Jónína Guðbjartsdóttir Amanda Bjarnadóttir Magdalena Sulova Sólrún Assa Arnardóttir Shawlee Gaudreault með 94.4 % markvörslu.

Jamie Dumont hefur verið ráðinn aðalþjálfari íshokkídeildar Skautafélags Akureyrar. Jamie eins og hann er kallaður hefur störf fyrir félagið strax og stýrir sínum fyrstu æfingum í dag. Jamie verður aðalþjálfari meistaraflokka félagsins ásamt því að vera þróunarstjóri unglingaflokkanna U18, U16 og U14.

Íshokkítímabilið hefst formlega um helgina með opnunarleik Hertz-deildar kvenna þegar SA tekur á móti Fjölni í skautahöllinni á laugardag. Liðið okkar hefur tekið miklum breytingum í sumar en liðið missti sjö landsliðsleikmenn þar sem Herborg, Gunnborg, Katrín og Inga hafa allar gengið til liðs við félagslið í Svíþjóð og Danmörku. Saga Blöndal samdi við Skautafélag Reykjavíkur og Berglind og Hilma við Fjölni. Á móti hefur Silvía Rán Björgvinsdóttir komið aftur heim í SA og mun ekki bara spila heldur mun hún líka þjálfa liðið. Þá er Arndís Eggerz Sigurðardóttir komin tilbaka eftir barneignir en að öðru leyti er hópurinn óbreyttur frá síðasta tímabili og ljóst að margar ungar íshokkíkonur munu fá mun stærri hlutverk í vetur. Það mun eflaust taka einhvern tíma fyrir liðið að mótast eftir jafn miklar breytingar og orðið hafa í sumar en liðið er þrátt fyrir virkilega sterkt með margar reynslumiklar landsliðskonur innanborðs, Shawlee Gaudreault í markinu og stóran hóp efnilegra leikmanna sem verður spennandi að fylgjast með blómstra í vetur.