U18 stelpurnar okkar eru komnar heim af 4Nation. Stelpurnar komu heim eldsnemma á þriðjudagsmorgun eftir langt ferðalag, þreyttar en sælar.  SA átti 10 fulltrúa af 19 í U18 landsliði stúlkna sem tók þátt í Fjögurra þjóða móti sem haldið var í Jaca á Spáni um s.l. helgi. Auk íslenska liðsins eru það heimamenn á Spáni, Bretar og Pólverjar sem eru þátttakendur í mótinu en þessar þjóðir gerðu með sér samkomulag um að halda mót fyrir U18 stúlkna landsliðin sín einu sinni í hverju þátttökulandi. Ísland hélt mótið árið 2021 í Laugardalnum í Reykjavík og lokaðist hringurinn núna með þessu móti á Spáni. SA átti einnig fulltrúa í þjálfarateymi liðsins en Silvía Rán Björgvinsdóttir leikmaður mfl kvenna og þjálfari innan félagsins er önnur af aðstoðar þjálfurum liðsins.

Hvað er að frétta af stelpunum okkar sem hafa horfið á vit hokkí ævintýranna undanfarið ? Við ætlum að reyna ná tali af þeim einni af annari á næstu vikum og komast að því hvernig gengur í hinum stóra íshokkíheimi. Herborg Rut Geirsdóttir er ein af stelpunum okkar, hún byrjaði skautaferilinn hjá okkur í SA, flutti ung að árum með fjölskyldunni til Noregs, æfði þar og í Svíþjóð, í Reykjavík, kom til okkar á heimaslóðirnar í fyrra en elti svo hokkídrauminn áfram til Svíþjóðar nú í haust.   

SA Víkingar taka á móti Fjölni í Hertz-deild karla í Skautahöllinni á Akureyri á laugardag. SA Víkingar hafa byrjað tímabilið vel og unnið fyrstu tvo leiki sína í deildinni. Fjölnir voru taplausir í venjulegum leiktíma þangað til þeir mætu Víkingum um síðustu helgi í fjörugum leik svo það má búast við hörkuleik á laugardag. Leikurinn hefst kl. 16:45. Forsala miða er hafin á Stubb en miðaverð er 1500 kr. og frítt inn fyrir 16 ára og yngri. Fyllum stúkuna og styðjum okkar lið til sigurs!

SA Bikarmeistarar u14 í AA og A liða   SA liðin unnu bæði sigra á skemmtilegu og spennandi bikarmóti sem fór fram í Skautahöllinni um helgina. það Við þökkum Skautafélagi Reykjavíkur og Fjölni fyrir komuna og keppnina.

SA Víkingar hefja tímabilið í Hertz-deildinni um helgina þegar liðið tekur á móti Íslandsmeisturum síðasta tímabils, Skautafélagi Reykjavíkur. Litlar breytingar eru á hóp SA Víkinga frá síðasta tímabili en hefur þó misst þrjá leikmenn en það eru landsliðsleikmennirnir Gunnar Arason, Heiðar Gauta Jóhannsson og Halldór Skúlason sem eru allir farnir til liða í Svíþjóð. En þrátt fyrir þennan missi er hópurinn þéttskipaður með góðri blöndu af gríðarlega sterkum reynsluboltum og enn stærri hóp ungra og efnilegra leikmanna sem hafa verið að gera sig gildandi í deildinni en einnig kemur ný kippa af leikmönnum inn úr unglingastarfinu. Nýr þjálfari er einnig kominn í brúnna en Jamie Dumont mun stýra liðinu í vetur og verður spennandi að fylgjast með liðinu undir hans stjórn.

Frábær spilamennska hjá SA liðinu í kvöld sem sýndi mikinn vilja og karakter með 6-1 sigri á Fjölni. Liðið er á mikilli siglingu í Hertz-deildinni ósigraðar eftir 3 leiki. Mörkin: Silvía Björgvinsdóttir 2 Jónína Guðbjartsdóttir Amanda Bjarnadóttir Magdalena Sulova Sólrún Assa Arnardóttir Shawlee Gaudreault með 94.4 % markvörslu.

Jamie Dumont hefur verið ráðinn aðalþjálfari íshokkídeildar Skautafélags Akureyrar. Jamie eins og hann er kallaður hefur störf fyrir félagið strax og stýrir sínum fyrstu æfingum í dag. Jamie verður aðalþjálfari meistaraflokka félagsins ásamt því að vera þróunarstjóri unglingaflokkanna U18, U16 og U14.

Sumarhokkískólinn fyrir iðkenndur hefst 1. ágúst og stendur yfir fyrstu 3 vikurnar í ágúst. Leikmenn fara daglega á svellið, afísæfingar, fræðslustundir og kylfu- og skotæfingar. Frábær undirbúningur fyrir tímabilið þar sem iðkenndur sjá miklar framfarir. Skráning: https://www.sportabler.com/shop/sa/ishokki

Yfirþjálfari Skautafélags Akureyrar Sami Lehtinen hefur lokið störfum fyrir félagið. Sami sem hefur starfað sem yfirþjálfari SA í 3 tímabil á síðustu fjórum árum skilur við félagið á góðum stað en Sami hefur skilað frábæru starfi og skilur eftir sig mikla þekkingu. Meistaraflokkarnir og unglingaliðin sem Sami hefur haft yfirumsjón með hafa vaxið á þessum tíma og verið gríðarlega sigursæl. Sami þjálfaði meistaraflokka félagsins til 5 Íslandsmeistaratitla ásamt fjölmargra titla í unglingaflokkum. Sami tekur við sem aðstoðarþjálfari hjá EHC Freiburg í DEL2 í þýskalandi á næstu leiktíð.

Eltech og Íshokkídeildar SA hafa skrifað undir nýjan styrktarsamning. Eltech er því áfram einn af aðalbakhjörlum SA íshokkídeildar og mun styrkja deildina til áframhaldandi góðra verka.