Þegar SA mætti liði SR í mfl. kvenna í Skautahöllinni í Laugardal á laugardaginn var það í fyrsta skipti í hokkísögu Íslands sem allir þátttakendur í sama leik eru konur - leikmenn, þjálfarar, liðsstjórar og dómarar. Fimm leikmenn SA léku sinn fyrsta meistaraflokksleik. Úrslitin: SR - SA 5-7.

Jötnar sóttu ekki gull í greipar SR-inga í fyrsta leik sínum á Íslandsmóti karla á þessari leiktíð. Helgi Gunnlaugsson skoraði eina mark Jötna í 8-1 tapi.

Kvennalið SA og Jötnar héldu suður á bóginn í morgun og mæta SR-ingum í leikjum kvöldsins í Laugardalnum. Breytt fyrirkomulag í meistaraflokki kvenna. Nokkur ný nöfn hjá Jötnum.

Fyrsti leikur tímabilsins í meistaraflokki karla á Íslandsmótinu í íshokkí varð æsispennandi og fór í framlengingu. Umdeildur dómur þegar 12 sekúndur voru eftir af framlengingunni skipti sköpum og Bjarnarmenn sigruðu.

Í frétt á vef ÍHÍ kemur fram að valinn hefur verið tuttugu leikmanna æfingahópur kvennalandsliðsins. SA á að sjálfsögðu fjölmarga fulltrúa þar eins og endranær.

Laugardaginn 31. ágúst kl. 13-16 býður Hokkídeildin alla velkomna að koma á svellið og prófa íshokkí á stóra hokkídeginum.

Nú er aðeins vika í fyrsta leik á Íslandsmótinu í íshokkí 2013-2014, en Bjarnarmenn mæta til Akureyrar þriðjudaginn 3. september.

Hokkí og Sport (litla hokkíbúðin) verður í Íslensku Ölpunum í Glerárgötu 32 á miðvikudag frá kl. 17 til 21 og á fimmtudag kl. 12 til 20.

Um komandi helgi fer fram úrtaka fyrir kvennalandsliðið í íshokkí í Skautahöllinni á Akureyri.

Fyrirhugað er að halda dómaranámskeið í íshokkí í Skautahöllinni á Akureyri um komandi helgi, 24. og 25. ágúst.