Við lofum hörkuleik í kvöld kl. 20.30 þegar Ynjur og Ásynjur mætast í Skautahöllinni á Akureyri í meistaraflokki kvenna á Íslandsmótinu í íshokkí. Athugið: Leiðrétt tímasetning frá fyrri frétt.

SA-krakkarnir fengu verðlaun fyrir mestu leikgleðina á helgarmóti 5., 6. og 7. flokks í Egilshöllinni. Ferðin tókst í alla staði frábærlega.

Ynjur sigruðu lið Bjarnarins í meistaraflokki kvenna á Íslandsmótinu í íshokkí í gærkvöldi, 6-2. Starfsmaður í refsiboxi skarst á nefi eftir að hafa fengið pökkinn í sig.

Jötnar og Björninn mættust í meistaraflokki karla á Íslandsmótinu í íshokkí í gærkvöldi. Björninn vann öruggan sigur, 1-7.

Það er sannkölluð hokkíhelgi framundan í Skautahöllinni á Akureyri. Jötnar og Ynjur taka á móti Bjarnarfólki á laugardag. Hokkíáhugafólk ætti ekki að láta þessa leiki framhjá sér fara. Á meðan þau eldri spila á Akureyri verða yngstu iðkendurnir í eldlínunni syðra.

Núna um helgina verður landslið karla í íshokkí við æfingar í Skautahöllinni á Akureyri.

Ynjur sjá á eftir sterkum leikmanni úr sínum röðum til Finnlands, en þar ætlar Guðrún Marín Viðarsdóttir að reyna fyrir sér með liði Rauma í næstefstu deild í Finnlandi. Stefnan er sett á efstu deildina.

Jötnar töpuðu fyrir Húnum, 3-5, í kvöld. Fjögur mörk voru skoruð á síðustu fjórum mínútum leiksins, Jötnar jöfnuðu með tveimur mörkum með 16 sekúndna millibili, en Húnar slökktu vonir heimamanna með tveimur mörkum á lokamínútunni.

Í kvöld kl. 19.30 fer fram einn leikur í mfl. karla á Íslandsmótinu í íshokkí. Jötnar og Húnar mætast í Skautahöllinni á Akureyri.