Meðan Iveta gestaþjálfari er hjá okkur mun hún bjóða upp á einkatíma. Takmarkaðir tímar eru lausir í höllinni og því mikilvægt að panta tímanlega ef áhugi er fyrir hendi. Einkatímarnir eru 30 mín. og kosta 2400 kr. Hægt er að panta einkatíma með því að hafa samband beint við hana á milli æfinga inn í höll eða í símann hennar 8411587 (hún skilur ensku vel).
Helga Margrét mun áfram bjóða upp á einkatíma sem hægt er að panta á milli æfinga niður í höll eða í gegnum e-mail: helgamargretclarke(hjá)gmail.com.
Helga Jóhannsdóttir eini keppandi Íslands á Junior Grand Prix í Sheffield er nú komin heim. Helga stóð sig mjög vel, varð 31. eftir stutta prógrammið og 30. eftir frjálsa. Við viljum óska henni til hamingju með árangurinn.
Iveta Reitmayerova og börnin hennar 2, Ivana og Peter, koma til Akureyrar á morgun. Iveta þjálfaði hjá LSA sem gestaþjálfari 2 vetur og mun nú koma aftur inn sem gestaþjálfari í mánuð. Iveta er frá Slóvakíu og hefur mjög mikla reynslu af þjálfun. Dóttir hennar, Ivana, keppti á Heimsmeistaramóti í senior flokki í Gautaborg um sl. páska og um síðustu helgi kepptu bæði systkinin á sama móti og Helga J. eða Junior Grand Prix í Sheffield og varð Peter 6. og Ivana 9. Við bjóðum þau velkomin til okkar og hvetjum alla til að nýta tímann og æfingarnar vel meðan þau eru hjá okkur.
Aðalfundur foreldrafélags verður haldinn í skautahöllinni (fundarherbergi uppi) miðvikudaginn 15. október nk. kl 20.00. Venjuleg aðalfundarstörf . Búið er að manna 5 manna stjórn en ef einhverjir áhugasamir leynast meðal foreldra getum við alveg þegið 1-2 til viðbótar.
F.h. foreldrafélags listhlaupadeildar. Jóhanna K. Kristjánsdóttir.