Hvar eru stelpurnar?

03.04.2005

Þótt seint sé í rassinn gripið viljum við að eftirfarandi komi fram. Kvennalandsliðið gistir á Southern Cross Hotel í Dunedin. Síminn þar er 477 0752 og faxið er 477 5776. Landsnúmerið er 64 og svæðisnúmerið er 03. Samkvæmt þeim upplýsingum sem ég hef á að sleppa 0-inu í svæðisnúmerinu. Þannig að síminn beint er þá:

00 64 3 4770752 herbergjaskipan er endurtekin undir meira

Landsliðið karla leikur æfingaleik við Gentofte

03.04.2005
Í kvöld lék landslið karla æfingaleik við Gentofte sem liður í undirbúningi að heimsmeistarakeppninni. Leikurinn var hraður og skemmtilegur á að horfa. Danir höfðu betur, 5-4, en jafnt var á öllum tölum upp í 3-3. Litlu munaði að drengjunum tækist að jafna á síðustu mínutunum.

Kvennalandsliðið tapaði fyrir Rúmenum

03.04.2005
Æ svei-attanns stelpurnar náðu ekki að knýja fram sigur í leiknum við Rúmena. Leikurinn var jafn og spennandi en fjallað er nánar um hann á heimasíðu ÍHÍ. Leiknum lyktaði 0-2 (0-0)(0-2)(0-0).

Akureyrarmót 2005

01.04.2005

Á morgun 2. apríl er Akureyrarmót í listhlaupi þar sem allir keppnisflokkar listhlaupadeildar Skautafélags Akureyrar keppa.  Mótið hefst kl. 9 og stendur til 13.  Foreldrafélagið mun vera með veitingar á vægu verði en aðgangur að mótinu er ókeypis.  Vonumst eftir að sjá sem flesta!

 


Undir tenglinum meira er svo dagskrá mótsins. 

Pavol Demitra kemur í heimsókn!

01.04.2005
Þær ánægjulegu fréttir bárust i morgun að Pavol Demitra æskufélagi Jans Kobezda þjálfara S.A. ætlar að heimsækja félaga sinn síðar í þessum mánuði og eru líkur á að hann taki eina létta æfingu með S.A.  Ekki þarf að velkjast í vafa um að mjög góð mæting verði á þessa æfingu!

Stelpurnar tapa fyrir Kóreu

01.04.2005
Á vef ÍHÍ er komin frétt um gengi kvennaliðsins í fyrsta leiknum gegn Kóreu. Þær töpuðu fyrstu tveimur leikhlutunum 4-0 og 3-0 en náðu sér á strik í 3. leikhluta og unnu hann 2-1. Það var Patty okkar (Patricia Huld Ryan) sem skoraði fyrsta markið í sögu kvennalandsliðsins sem var viðeigandi því hún skorðai líka fyrsta mark liðsins í æfingaleik við SR í gulldrengjamótinu fyrir stuttu síðan. Hulda okkar Sigurðardóttir skorðaði seinna markið.

Kvennalidid tapar fyrir Koreu 8-2 (3-0)(4-0)(1-2)

01.04.2005
Tekið af vef ÍHÍ

Kvenalandsliðið komið til Nýja Sjálands

31.03.2005
Þá eru stelpurnar komnar til Nýja Sjálands. Eftirfarandi frétt er tekin af vef ÍHÍ, en hefur ekkert frést frá fréttaritara sasport.is á svæðinu. TIl upprifjunar þá eru Stelpurnar í Dunedin sem er við Otago-skaga á suðureyjunni. Þetta eru rétt tæpir 18000 km héðan eins og krákan flýgur. Dunedin er á 170°austlægrar lengdar og um 45°suðlægrar breiddar. Þeir eru 12 tímum á undan okkur svo fyrsti leikur stelpnanna sem er á morgun kl 16:30 að startíma er klukkan hálf fimm í fyrramálið að okkar tíma. 

Ísland heldur sæti sínu í U18

27.03.2005
Jæja drengirnir í U18 náðu takmarki sínu og héldu sæti sínu í 2. deild. Í síðasta leik mótsins unnu Ungverjar Rúmena 7-2 og þar með féllu Rúmenar í 3. deild. Þá er lokið þáttöku íslands í 2 af 4 landsliðsflokkum, nl. U20 og U18, og nú fer að líða að keppni A-landsliða kvenna og karla. Stelpurnar í S.A. héldu af stað í morgun áleiðis til Reykjavíkur, og allur hópurinn fer út á þriðjudagsmorgun.

Ísland - Mexikó 3-8 (2-2)(1-3)(0-3)

27.03.2005
Árans andleysi lagðist yfir drengina í leiknum gegn Mexikóum. Þeir byrjuðu með látum og komust í 2-0 en Mexikóar jöfnuðu fyrir lok fyrsta leikhluta.
349 350 351 352 353 354 355 356 357 358