Æfing hjá 5. og 6. hóp fellur niður í fyrramálið (þriðjudaginn 19. febrúar).

Um næstu helgi koma sunnan liðin til Akureyrar með yngstu keppnishópana og taka þátt í Bikarmóti vetrarins í Skautahöllini hér á Akureyri. Við munum reyna að setja dagskrá mótsins hér á síðuna um leið og vitað er um keppanda fjölda frá hverju liði.

4.flokkurinn er nú kominn heim glaður og ánægður eftir ágæta keppnisferð til Reykjavíkur þar sem góðir sigrar unnust. Þau unnu leik sinn við Björninn í morgun 16 - 0. Við þökkum bæði Birnininum og SR fyrir ágætt mót og hlökkum til að mæta þeim aftur áður en langt um líður.  (O:

Verður við Skautahöll kl. 16:30.

4.fl. spilaði 2 leiki í morgun, fyrst við Björninn og unnu hann 11 gegn 0 og svo við SR og unnu þar með 8 gegn 2. Þau eru að fara að spila seinni leikinn við SR, set inn úrslit á eftir.    Góóóóðir SA ................................   þriðji leikur dagsins vannst 11 - 0     (O:

SA lagði Björninn   með 14 mörkum gegn 7 eftir heldur brokkgenga byrjun.

Á föstudagskvöldið munu meistaraflokkur Bjarnarins og SA spila fyrri leik sinn þessa helgi og á sunnudaginn kl. 15,00 seinni leikinn og verður hann sýndur beint í sjónvarpi allra landsmanna, RÚV. Allir stuðningsmenn og konur eru nú hvött til að mæta og hvetja sína menn því án efa verða þetta baráttuleikir því þó SAmenn séu búnir að tryggja sigur sinn í deildinni og þar af leiðandi þáttöku í Úrslitakeppninni þá þurfa Bjarnarmenn að bíta í skjaldarrendur og fara að hala inn stig ef þeir ætla sér í úrslit, sem þeir örugglega ætla og enn eru nógu mörg stig í pottinum til að það sé hægt. Einnig mun 4.fl. SA leggjast í langferð á morgun í Egilshöll til þáttöku í öðrumhluta íslandsmótsins í 4.fl. sem líka er haldið þessa helgi.   ÁFRAM SA .......................

Hann Denni hefur nú tilkynnt liðið sem keppa mun í Ástralíu á vordögum.  Frá SA eru Birkir Árnason, Björn Már Jakobsson, Jón Gíslason, Ingvar Þór Jónsson, Ómar Smári Skúlason og nýliðarnir tveir Steinar Grettisson og Orri Blöndal.  Vert er að minnast sérstaklega á árangur Ómars Smára því hann er nú valinn fyrstur inn í liðið eftir frækilega frammistöðu í vetur. 

Undanfarnar vikur hefur hefur kynlegur kvistur sést á kreiki í skautahöllinni.  Þar er á ferðinni Michael Boudreau sem er Kanadamaður hefur búið hér á landi í vetur og unnið við smíðar.  Hann er markmaður og hokkífíkill eins og svo margir aðrir og hann hefur slegist í lið með okkur og tekur þátt í starfinu af miklum krafti.  Hann mætir á allar æfingar, fer í markið ef vantar markmann en spilar annars úti bæði í meistarafloki og old boys.