Ynjur unnu Björninn 8:0 í mfl. kvenna, SA vann Björninn 6:3 í 3.flokki og Víkingar unnu Esjuna 1:3 í mfl. karla.

Þrír leikmenn úr SA voru valdir í karlalandsliðið í íshokkí sem tekur þátt í forkeppni Ólympíuleikanna sem fram fer í Valermo á Spáni daganna 6.-8. nóvember. Mótherjar liðsins verða Serbía, Spánn og Kína en eitt lið kemst áfram úr riðlinum á annað stig forkeppninnar. Leikmenn SA sem valdir voru í liðið eru Ingvar Þór Jónsson, Jón Benedikt Gíslason og Andri Mikaelsson.

SA Víkingar spiluðu þrjá leiki síðastliðna helgi í svokallaðri Ofurhelgi Íshokkísambandsins þar sem heil umferð var leikin og öll lið léku þrjá leiki á jafnmörgum dögum. Helgin var sannkölluð hokkíveisla fyrir íshokkíunendur en styrktaraðilar buðu frítt á leikina og mæting á leikina var með því besta sem sést hefur í skautahöllunum syðra. Liðin höfðu styrkt sig nokkuð fyrir átökin en Esja bætti við sig Tékkneskum leikmanni og Björninn bætti við sig tveimur erlendum leikmönnum rétt fyrir Ofurhelgina.

Þá er keppni lokið á Bikarmóti ÍSS 2015. Dagurinn skilaði SA stúlkum 2 bikarmeistaratitlum, einum silfur verðlaunum og einum brons verðlaunum. Samanlagt koma þær heim með 8 bikarmeistaratitla, 2 silfurverðlaun og 1 brons verðlaun. Árangur SA stúlknanna allra var mjög flottur, flestar bættu þær sinn persónulega árangur eða voru nálægt því að jafna hann.

Sigurganga SA stúlkna hélt áfram á fyrri keppnisdeginum á Bikarmóti ÍSS í Egilshöllinni í dag. Eftir fyrri keppnisdaginn eigum við 6 bikarmeistara og 1 silfurverðlaunahafa. Auk þess sem nokkur persónuleg met féllu. Í fyrsta lagi má nefna afrekið hennar Evu Bjargar. Hún sigraði í stúlknaflokki B með 34. 40 stig, það gerði hún þrátt fyrir að tónlistinn hennar hafi stöðvast eftir um 2 mínútur og skautaði hún því seinni hluta prógrammsins án tónlistar. Áhorfendur hvöttu hana áfram til enda með taktföstu lófataki. Jafnframt má nefna frábæran árangur hjá Ísold Fönn í 10 A en hún sigraði sinn flokk með miklum yfirburðum og hlaut hún 38.89 stig. Marta María stóð sig einnig griðarlega vel í Stúlknaflokki A, hún skautaði með nýtt prógramm í stutta í dag og fékk hún 28.31 stig og er hún í 1. sæti eftir stutta prógrammið. Ásdís Arna Fen stendur önnur eftir stutta með 25.68 stig og Aldís Kara er þriðja með 25.09. Aldís Kara skautaði mjög vel í dag og er með mikla bætingu frá síðasta móti. Emilía Rós stendur þriðja eftir stutta prógrammið í Unglingaflokki A og Elísabet Ingibjörg sjötta. Keppnin heldur áfram á morgun og hefst hún með keppni í flokki 12 ára og yngri B. Bikarmótinu lýkur svo á morgun með keppni í frjálsa prógramminu hjá stúlknaflokki A og Unglingaflokki A

Þá er komið að Bikarmóti ÍSS sem verður að þessu sinni haldið í Egilshöll. Opinber æfing (official practice) fyrir stutta prógrammið hefst í dag klukkan 19:15 hjá Novice A og Junior A. Keppnin hefst svo á laugardagsmorgun klukkan 8:00 með keppni í flokki 8 ára og yngri B.

SA Víkingar þurftu að sæta sig við eitt stig úr leik sínum gegn SR í gærkvöld en SR fékk tvö stig eftir sigur í vítakeppni. SA missti niður 3-1 forskot í jafntefli í venjulegum leiktíma þar sem SR jafnaði leikinn þegar aðeins 38. sekúndur voru eftir.

Alþjóðlegi stelpuhokkídagurinn sem var haldinn í þriðja sinn í gær gekk frábærlega en þangað mættu yfir 30 stelpur til þess að prófa íshokkí en heildarfjöldi stúlkna á ísnum var hátt í 70 þegar mest var.

Aðalfundur foreldrafélags íshokkídeildar verður haldinn fimmtudaginn 15. október kl 20:00 í fundarherberginu á svölum Skautahallarinnar.

SA Víkingar taka á móti Skautafélagi Reykjavíkur þriðjudaginn 13. október kl 19.30 í Skautahöllinni á Akureyri. Liðin hafa mæst tvívegis á tímabilinu og hefur SA haft betur í bæði skiptin. SA situr í öðru sæti deildarinnar með 10 stig en SR í því fjórða með 4 stig en þeir náðu í sinn fyrsta sigur í deild í síðasta leik.