Það er óhætt að segja að mikið verði um að vera í Skautahöllinni í dag.  Opnun vetraríþróttahátíðar og 10 ára afmælishátíð Skautahallarinnar hefst kl. 16:00 í dag auk þess sem tveir hokkíleikir fylgja í kjölfarið.  Dagskrá hátíðarinnar hefst á skrúðgöngu inn á ísinn sem í verða fulltrúar vetraríþrótta hér í bænum m.a. snjósleðar, hjól og hestar.  Í framhalidnu taka við nokkur ávörp og síðan kynning á íslensku keppendunum á Ólympíuleikunum.

Nú fer að líða að pökkun á öskudasnamminu. Byrjað verður mánudaginn 8 febrúar, nánari skipting hópa undir "Lesa meira". Mikilvægt er að allir mæti og taki þátt og hafi gaman af. Einning er óskað eftir aðstoð foreldra til að vera á staðnum meðan pökkun stendur. Pakkað verður frá 17.00-21.00 frá 8-12 feb og svo laugardag og sunnudag, sendið á ruthermanns@hive.is ef þið sjáið ykkur fært að aðstoða.   

Í kvöld unnu Bjarnarmenn SR-inga í hörku viðureign í Egilshöllinni og nú er spennan að ná hámarki í deildinni.  Björninn hefur verið á mikilli siglingu að undanförnu og eftir bakslag gegn okkur um síðustu helgi þá eru þeir komnir aftur á lappirnar með góðum sigri á SR.  Nú er staðan þannig í deildinni að SR og Björninn eru jöfn að stigum með 19 stig en SA er enn á toppnum með 22.  Björninn hefur spilað einum leik fleiri en SA og SR sem munu mætast í síðasta leik umferðarinnar á laugardaginn hér á Akureyri.