Ferð á Aðventu- Íslandsmót í Rvík 4.-6.des

 Kæru foreldrar/forráðamenn

Þá liggur fyrir sú ákvörðun að halda okkur við hópferð í keppnisferð 4.-6.des.

Ferð A og B keppenda til Reykjavíkur á Íslandsmeistaramót/aðventumót.

 Farið verður frá Skautahöllinni föstudaginn 4.desember kl. 13.00 (mæting 12:30). Áætlað er að leggja af stað frá Reykjavík um kl. 14.00 sunnudaginn 6.desember og verður komutími til Akureyrar auglýstur á heimasíðunni (www.sasport.is/skautar).

 Það verður gist tvær nætur á farfuglaheimilinu í Laugardal sem er í stuttu göngufæri frá skautahöllinni í Laugardal þar sem keppt verður.

 Ferðin kostar 12.300 kr og leggja á þann pening inn á reikning nr. 1145-26-3770,

kt: 510200-3060 á morgun 1. desember. Senda á kvittun fyrir greiðslunni á didda @samvirkni.is.

 Það sem þið þurfið að hafa með ykkur:

• Hollt og gott nesti til að borða á leiðinni til Reykjavíkur.
• Sæng eða svefnpoka og handklæði. Það eru koddar og lök á staðnum.
• Hámark 1500 kr. til að kaupa eitthvað á leiðinni til Akureyrar á sunnudaginn (afhendist fararstjóra í upphafi ferðar).

 Þegar komið verður til Reykavíkur á föstudagskvöld fáið þið eitthvað að borða og foreldrafélagið mun sjá um að gefa ykkur hollt og gott að borða á meðan þið dveljið í Reykjavík. Leyfilegt er að hafa GSM síma með (ekki mælt með því), en mælst er til að notkun þeirra sé í algjöru lágmarki.

Áður en lagt verður af stað til Akureyrar verður komið við á Metro og þar verða keyptir hamborgarar svo allir verði saddir og sælir á leiðinni heim.

 Fararstjórar eru: Anna María, Guðlaug og Allý. Símanúmerin þeirra verða birt á heimasíðunni eða sent til ykkar í pósti.

 Muna svo eftir góða skapinu.

 Góða ferð og gangi ykkur vel

Stjórn foreldrafélagsins.