Íslenska kvennalandsliðið í íshokkí hefur leik á Heimsmeistaramótinu á morgun

Kvennalandslið Íslands í íshokkí hefur keppni á morgun, laugardag, á heimsmeistaramótinu í II deild B sem fram fer í Valdemoro á Spáni. Fyrsti leikur liðsins er gegn heimaliði Spánar og hefst leikurinn kl. 19.15 á íslenskum tíma en beina útsendingu frá leiknum má finna hér.

Liðin í riðlinum auk Íslands eru: Spánn, Nýja Sjáland, Rúmenía, Tapei og Tyrkland. 

Íslenska liðið lenti í 4. sæti í mótinu sem haldið var á Akureyri í fyrra en besti árangur liðsins er 3. sætið í þessari deild. Íslenska liðið hefur bætt við sig Söruh Smiley og Kolbrúni Garðarsdóttur frá því á mótinu í fyrra og eru því til alls líklegar á mótinu í ár. Hægt er að fylgjast með úrslitum liðsins á heimasíðu alþjóða Íshokkísambandsins hér. Og svo að sjálfsögðu á fésbókarsíðu liðsins. 

SA eiga 15 leikmenn í liðinu í ár en þar að auki eru þær Kolbrún Garðarsdóttir og Herborg Rut Geirsdóttir sem aldar eru upp í félaginu með á mótinu en þær spila báðar erlendis. Fyrnefnd Kolbrún, Berglind Leifsdóttir, Alda Arnardsdóttir, April Orongan og Birta Þorbjörnsdóttir eru allar að taka þátt í sínu fyrsta heimsmeistaratmóti. Þjálfari liðsins er hinn gamalkunni Richard Tahtinen sem þjálfaði hjá Skautafélaginu á árunum 2013-2015 en aðstoðarþjálfari liðsins er formaður Skautafélagsins, Birna Baldursdóttir. Guðrún Blöndal er framkvæmdastýra liðsins og Hulda Sigurðardóttir tækjastjóri.

Liðsskipan Íslands 2018

Starfsfólk landslið Íslands: