Jæja, í dag er sunnudagur og allir glaðir eftir skemmtilegan gærdag þar sem 5.fl. tapaði tvisvar naumt og gerði eitt jafntefli í æsispennandi og jöfnum leikjum, 6.fl. vann sína þrjá suma stórt og aðra stærra og sjöundi fl. spilaði svo sannarlega með hjartanu og hafði gaman af. Í pásunni eftir hádegið var að farið í sund í grafarvoginum og síðan í keilu í Öskjuhlíð og deginum lauk með ærlegri pizzaveislu á gistiheimilinu. það er líka gaman að segja frá því að í leikjum dagsins var heilmikill kraftur og gleði en dómarar leikjanna sáu til þess að enginn fór fram úr sjáfum sér í ákafanum þannig að til fyrirmyndar var, og þökkum við fyrir það. þess má líka geta í leiðinni að í leik sem hófst kl. 17.30 í Skautahöllinni á Akureyri á milli Mfl. SA. og Bjarnarins vann SA sannfærandi sigur og eins í 3fl. leik sem á eftir fór þar. hér fyrir sunnan í Egilshöllinni luku hins vegar kvennalið SA og Bjarnarins síðasta leik sínum í íslandamótinu sem hófst kl. níu um kvöldið og er skemmst frá því að segja að SA stelpur unnu (að venju) og tóku á móti bikarnum við mikla gleði. Svo það má með sanni segja að þetta hafi verið góður og viðburðaríkur dagur fyrir SA Hokkí. Víð erum nú á leið upp í Egilshöll þar sem 7. fl. spilar tvo leiki á eftir og 5.fl. einn og svo er áætlað að leggja af stað heim um tvöleitið með venjubundnu stoppi í Staðarskála. Myndir voru einhverjar teknar að venju og munu þær verða settar inn við fyrsta tækifæri.

Nú er komið að því að 5., 6. og 7. flokkur fari suður í síðasta mót vetrarins í þessum flokki. Þetta mót fer fram í Egilshöllinni og byrjar fyrir okkur á laugardagsmorgun og klárast á rétt fyrir miðjan sunnudag.  Smelltu hér til að skoða dagskrá mótsins Að venju fer hópurinn með rútu frá Skautahöllinni og brottför kl. 15.00 á föstudeginum, mæting hálftíma fyrr, og kemur til baka um kvöldmatarleitið á  sunnudeginum (svona nokkurn vegin). Auðvitað sendum við svo öllum hópnum baráttukveðjur og óskum þeim góðrar ferðar og skemmtunar.

Þá er lokið þáttöku okkar í heimsmeitarakeppni í 2. deild B-riðli.

Strákarnir lögðu á stað heim kl 11:00 og verða komnir í Skautahöllina um kl 16:00.

Dagurinn var tekinn snemma og 4.b mætti í 1. leik kl. 08:00 við SR-b2 úrslitin þar voru 4-1 SR í vil, kl. 09:45 var svo spilað við SR-b1 og þar gekk aðeins betur 3-2 fyrir SR. 4.fl. spilaði svo við SR-a úrslit 1-8 síðast við Björninn-a þar sem Björninn vann 4-2. Þeim leik lauk um eittleytið og fóru þá flestir í sund og síðan var pizza-veisla um þrjú og svo var haldið í keilu kl. fjögur til fimm. Svo var 4. flokks strákunum sem spila áttu með 3.fl. skuttlað upp í Egilshöll og dokað þar við um stund og fylgst með 1. leikhluta áður en farið var á gistiheimilið til að nærast og hvílast. Einhverjar myndir voru teknar yfir daginn og hægt að smella hér til að skoða þær.

Jæja, í dag var að sumu leiti merkilegur og ánægjulegur dagur því 4.flokkurinn okkar vann sinn fyrsta leik í Íslandsmótinu er þeir lögðu Björninn 5:4 í mjög skemmtilegum og vel spiluðum leik. Ferðinn suður gekk afar vel, örlítil hálka var langleiðina í Varmahlíð en auður vegur eftir það. Stoppað var eins og venjulega í Staðarskála og borðað nesti en annars var ferðin tíðindalítil og átakalaus við vídeóáhorf og afslöppun. SMELLTU HÉR TIL AÐ SKOÐA MYNDIR