Úrslitaleikur Bikarmóts Krulludeildar 2007 fer fram í kvöld, miðvikudagskvöldið 30. janúar. Verðlaunaafhending verður strax að leik loknum. Fífurnar og Skytturnar eigast við í úrslitum.

Krullunefnd ÍSÍ hefur ákveðið keppnisreglur fyrir Íslandsmótið 2008. Reglurnar eru eftirfarandi:

IHI hefur ráðið aðstoðarþjálfara fyrir A-landsliðið. Sá sem var fyrir valinu er Richard Eiríkur Tahtinen. Rikki einsog hann er kallaður er væntanlegur til lands í næstu viku þar sem hann tekur þátt í æfingabúðum A-landsliðsins.

Vegna fyrirhugðaðrar hópferðar til Reykjavíkur á NM 8.-10 febrúar, verður haldinn fundur í Skautahöllinni fimmtudaginn 31. janúar kl:18:00 áríðandi er að allir sem hafa hug á því að fara í ferðina mæti. Að sjálfsögðu hvetjum við alla iðkendur til að nýta sér þetta einstaka tækifæri til að bera augum skautara á heimsmælikvarða á Íslandi.

Á fundinum á að sjá endanlegan heildarfjölda þeirra sem vilja fara í hópferð á mótið, þá verður hægt að sjá hvernig einfaldast er að fara í ferðina, hver endanlegur kostnaður verður, hvenær brottför og heimkoma er áætluð o.s.frv.

Á fundinum á einnig að borga miðann inn á mótið: 2.000 kr fyrir fullorðna og 1.000 fyrir yngri en 16. ára. Þannig að endilega mætið með peninga fyrir því. Athugið að deildin hefur einungis tryggt sér 25 miða inn á mótið, þannig að framboðið er takmarkað.

Sendið póst á hildajana@gmail.com sé nánari upplýsinga óskað. Sjáumst hress.

Fjórða Bikarmóti Krulludeildar lýkur með úrslitaleik miðvikudagskvöldið 30. janúar. Bikarmótið var fyrst haldið 2004. Nú er keppt um bikar sem gefinn var til minningar um Magnús E. Finnsson.

Á miðvikudaginn 6. febrúar er Öskudagsball fyrir 1. og 2. hóp á æfingatíma. Foreldrar, systkini og vinir eru velkomnir með á ísinn og geta fengið lánaða skauta í höllinni að kostnaðarlausu. Við viljum þó benda á að afístíminn fellur niður þann dag. Iðkendur annarra flokka koma að sjálfsögðu líka í búningum og verða æfingar hjá þeim á venjulegum tíma. Hlökkum til að sjá alla.