Þá er skautaveturinn 2015-2016 að hefjast hjá listhlaupinu. Við viljum byrja á að þakka öllum sem þátt tóku í æfingabúðum sumarsins fyrir þátttökuna og dugnaðinn. Æfingar hjá 1. - 3. hóp eru hafnar, en æfingar hjá byrjendahóp og fyrrum keppendum hefjast miðvikudaginn 2. september. Frá og með næsta mánudegi verður hægt að fara inn á iba.felog.is og skrá iðkendur inn í Nóra. Við munum auglýsa það sérstaklega strax eftir helgi. Tíimatöflu fyrir dagana 24. ágúst til 1. sept er að finna undir flipanum tímatafla hér til hliðar

Talning í Bónus

Nú er um að gera að huga að skautatöskum.

Var að fá flís skautabuxur á útsölu verði

Það er mikið fjör í skautahöllinni þessa daganna en þar fara fram æfingarbúðir í íshokkí næstu tvær vikurnar en á sama tíma standa yfir æfingarbúðir hjá listhlaupadeild. Íshokkí æfingarbúðirnar standa yfir frá morgni til kvölds þar sem yngri hópurinn er á morgnanna og sá eldri seinni partinn. Hver hópur fær tvær ísæfingar á dag ásam af-ís æfingum og fræðslu.

Það verður líf og fjör um helgina í skautahöllinni þar sem Landsmót UMFÍ fer fram. Dagskráin hefst kl 10.00 á laugardag með keppni í Listhlaupi en nánari tímasetningar og keppnisröð má sjá í næstu frétt hér fyrir neðan. Krullan er fjölskyldugrein á landsmótinu og er öllum velkomið að koma spreyta sig á steinunum frá kl 15.00 á laugardeginum. Á sunnudag er sýningarleikur hjá hokkídeild þar sem efnilegustu unglingar félagsins sýna listir sínar en leikurinn hefst kl 13.20 og stendur yfir í tæpa klukkustund.

Mótið í listhlaupi verður laugardaginn 1. ágúst og hefst klukkan 10:00.

Nú er ísinn klár og æfingar hófust hjá listhlaupadeild á föstudagsmorgun. Æfingar hjá Íshokkídeild hefjast á sunnudagskvöld. Þá eru opnar æfingar fyrir krakka í íshokkí alla næstu viku sem geta þá náð ryðinu úr sér áður er æfingarbúðirnar hefjast eftir verslunarmannahelgi.

Svellagerðin er hafin og gengur vel en stefnt er að því að listhlaupadeild geti hafið sínar æfingar á föstudagsmorgun. Æfingar fyirir Landsmótið sem haldið verður á Akureyri standa því yfir fram að Verslunarmannahelgi en strax að henni lokinni byrja æfingarbúðir hjá bæði Listhlaupadeild og Íshokkídeild.

Það var mikið fjör í skautahöllinni síðastliðinn fimmtudag en þá fóru fram úrslitaleikirnir Vormóti Íshokkídeildarinnar. Leikið var í deild I, deild II og deild III en leikirnir voru vægast sagt spennandi og skemmtilegt að sjá tímabilið enda á háu nótunum. Í lok hverrar deildar fyrir sig var verðlaunaafhending þar sem liðunum var afhennt sigurlaun og framúrskarandi leikmenn einnig verðlaunaðir.