Um helgina verður landsliðsúrtak u20 landsliðsins sem mun fara til Mexíkó 10. janúar. Liðið mun þar spila í 3. riðli þar sem þess bíður mikið verk að vinna sig aftur uppí 2. riðil þar sem það á heima. Mun liðið etja kappi við löndin, Mexíkó, Búlgaríu, Nýja Sjálandi, Suður Afríku og Tyrkland. Ráðinn hefur verið þjálfari til verksins og heytir hann Owe Holmberg og kemur frá Nyköping í Svíþjóð.

Staðan í deildinni er sú að S.R. er með 11 stig, Narfi er með 10 stig, S.A. er með 9 stig, og Björninn rekur lestina með 4 stig. S.A. spilar næst á móti S.R. 18 des. í laugardalnum. Við hvetjum alla norðlendinga sem búsettir eru fyrir sunnan að mæta og styðja sína menn. ÁFRAM S.A.!!!!

Narfi vann fyrri leik sinn gegn Birninum 5-6 í kvöld. Leikurinn var jafn og áttu bæði lið góða spretti inná milli. Þótti það til tíðinda að enginn slagsmál voru í leiknum og hrópum við þvi þrefalt húrra fyrir því HÚRRA!!HÚRRA!!HÚRRA!!. Næsti leikur liðanna verður á sunnudagsmorgun kl.10:15.

Öll aðildarfélög Íþróttabandalags Akureyrar tóku á laugardaginn 4.des þátt í sýningu í íþróttahúsi Síðuskóla í tilefni af 60 ára afmæli ÍBA. Aðildarfélögin eru sautján og þar á meðal er Skautafélag Akureyrar, sem að sjálfsögðu var með sinn bás á sýningunni.

Í sýningarbás SA var blandað saman á myndrænan hátt upplýsingum um sögu og starfsemi deilda félagsins og voru fulltrúar deildanna á staðnum til þess að fræða fólk og upplýsa. Sýningin tókst ágætlega en gestir hefðu gjarnan mátt vera fleiri.

Í ávarpi í sýningarskrá segir Þröstur Guðjónsson, formaður ÍBA, meðal annars: Ljóst er að íþróttafélögin og starfsemi þeirra er snar þáttur í bæjarlífinu og má segja að þau sameini margt í senn, sem gefur bæjar- og mannlífinu meira gildi en annars væri.

S.A. stelpur spiluðu við Björninn í Egilshöll í dag kl.16.15 og unnu 4 -2. Solla með þrennu og Gugga með eitt