Árshátíð Skautafélagsins 13. mars
14.02.2010
Minnum alla félagsmenn á að taka frá daginn 13. mars en þá verður haldin árshátíð Skautafélagsins í golfskálanum. Frekari upplýsingar koma síðar.
Karfan er tóm.
ÖSKUDAGUR
13.02.2010
Halló öll pökkun búin takk takk fyrir hjálpina. En nú vantar okkur fólk til að keyra namminu í fyrirtækin helst á mánudaginn endilega hafið samband og hjálpið okkur.
Allý 8955804 f.hádegi og Kristín 6935120
ÖSKUDAGSPÖKKUN
12.02.2010
Halló stelpur, fyrirgefið gleymdi að setja á heimasíðuna en það er ekki hægt að pakka í dag það vantar nammi. Við stefnum á að klára á morgunn laugardag við komum ca. kl. 11 og vonumst til að þær sem eru á æfingu í fyrramálið komi og hjálpi okkur í ca kl. tíma og klárum., það er ekki mikið eftir. :)
Allý og Kristín
Arena
12.02.2010
Á morgun laugardag 13.febrúar verður sérstakur söludagur hjá Arena milli kl. 11 - 15 í Snægili 7 íb.101
Alls konar tilboð í gangi. Verð frá kr. 1500. Ný sending af fatnaði o.fl. fyrir skautara, dansara og í leikfimina.
Bestu kveðjur
Rakel s. 662 5260 eða rakelhb@simnet.is
Vantar aðstoð við pökkun á öskudagsnammi
09.02.2010
Kæru foreldrar iðkenda í A1, A2, B1, B2, C1 og C2!
Nú stendur yfir pökkun á öskudagsnamminu, salan gekk vel og er því miklu nammi sem þarf að pakka. Eins og áður hefur komið framm er þetta okkar aðal fjáröflun og því mikilvægt að allt gangi vel. Því óskum við eftir aðstoð ykkar bæði við pökkun og útkeyrslu á namminu!!!! Það þurfa alltaf að vera helst þrír fullorðnir að hjálpar við pökkunina, hvert foreldri þarf ekki að vera allan tímann sem pakkað er þann daginn heldur gæti verið gaman að aðstoða þegar sá hópur er sem barnið manns er í. Ef þið sjáið fært að aðstoða hvort sem um ræðir pökkun, útkeyrslu eða bæði væri best að senda email á ruthermanns@hive.is þann tíma sem þið getið verið í pökkun en einnig er hægt að mæta pakka og grípa með sér nokkra kassa í útkeyrslu.
Opnunar- og afmælishátíð heppnaðist vel
07.02.2010
Í gær fór fram hér í Skautahöllinni Opnunarhátíð Vetraríþróttahátíðar 2010 og 10 ára afmælishátíð Skautahallarinnar. Mikið var um dýrðir og mikill fjöldi fólks lagði leið sína í skautahöllina að þessu tilefni. Opnunaratriðið hátíðarinnar var skemmtileg skrúðganga inn á ísinn þar sem fulltrúar vetraríþrótta í bænum fylktu liði og báru sína félagsfána undir taktföstu lófaklappi áhorfenda. Auk gangandi fólks þá voru einnig vélsleðar, vélhjól, hestar og já einn bíll.
Ósigrar á heimavelli
07.02.2010
Það gekk hvorki né rak hjá SA liðum í gær. Fyrri leikur dagsins var SA - SR í karlaflokki og spenna var í þeim leik fram til loka 2. lotu þrátt fyrir að gestirnir hafi verið skrefinu á undan allan leikinn. Í þriðju lotunni rákumst við hins vegar á vegg og lokastaðan varð 8 - 4 þeim sunnlensku í vil. Þar með lauk mikilli þurrkatíð hjá SR og óhætt að segja að mikill viðsnúningur hafi orðið í þessari viðureign frá þeirri síðurstu er við unnum 6 - 0 hér á heimavelli. En svona er hokkíið, allt getur gerst.
Mikið um að vera í Skautahöllinni í dag
06.02.2010
Það er óhætt að segja að mikið verði um að vera í Skautahöllinni í dag. Opnun vetraríþróttahátíðar og 10 ára afmælishátíð Skautahallarinnar hefst kl. 16:00 í dag auk þess sem tveir hokkíleikir fylgja í kjölfarið. Dagskrá hátíðarinnar hefst á skrúðgöngu inn á ísinn sem í verða fulltrúar vetraríþrótta hér í bænum m.a. snjósleðar, hjól og hestar. Í framhalidnu taka við nokkur ávörp og síðan kynning á íslensku keppendunum á Ólympíuleikunum.