Fyrsti innanbúða slagurinn í Íslandsmóti kvenna í Íshokkí fór fram í gærkveldi þegar Ásynjur mættu Ynjum. Lokatölur leiksins urðu 6-0 Ásynjum í vil. Leikurinn var hin mesta skemmtun þrátt fyrir nokkra yfirburði Ásynja en mikið var um fallegt spil.

SA-Ynjur munu spila sinn fyrsta leik á þessu tímabili í kvöld kl. 19,30 og mótherjarnir eru SA-Ásynjur sem unnu Kvennalið Bjarnarins afar sannfærandi í 5:0 leik á laugardaginn síðasta. Nú verður spennandi að sjá hversu sterkar Ynjur koma inn og hvort þeim tekst að velgja Ásynjum undir uggum. ÁFRAM SA ...........

Nýliðna helgi var fyrsta mót Skautasambands Ísland í vetur og var það Haustmót. Alls fóru 19 keppendur frá Skautafélgi Akureyrar og stóðu allir sig með prýði. Fyrir nokkra keppendur var þetta þeirra fyrsta sambandsmót og voru þessir ungu og efnilegu keppendur félagi sínu til sóma.

SA-Ásynjur tókur Kvennalið Bjarnarins í kennslustund í fyrsta leik sínum á tímabilinu og unnu þá viðureign 5-0. Ásynjur eru komnar til baka og Guðrún Blöndal og Birna Baldursdóttir aftur mættar til leiks eftir að hafa tekið sér pásu frá meistaraflokki bróður partinn af tímabilinu í fyrra.

SA-Víkingar sigruðu Björninn um nýliðna helgi með 6 mörkum gegn 3. Víkingar telfdu fram tveimur nýjum leikmönnum en þó engum nýliðum í fjarveru Andra Más Mikaelsonar og Einars Valentin sem eru frá vegna meiðsla. Hinn mikli markaskorari Rúnar Freyr Rúnarsson reimaði aftur á sig skautanna og einnig Hilmar Leifsson sem er aftur kominn til starfa eftir framlengt sumarfrí.

SA átti góðan dag í dag. Mfl. Karla vann sinn leik 6:3, Mfl. Kvenna vann sinn 5:0 og 4.fl vann báða sína leiki dagsins nokkuð sannfærandi á mótinu í Laugardalnum.

Nú er æfingatímabilið komið á fullt og flestir hafa væntanlega tekið eftir því að nokkuð hefur bæst í þjálfara flóruna það sem af er vetri og aukaæfingum hefur verið fjölgað. Við þetta bætist að Richard Tahtinen meistaraflokksþjálfari verður með tækniæfingar og vídjókennslu mánaðarlega fyrir 5. Flokk og upp úr. Þá mun Richard einnig halda fyirrlestraröð þar sem hann fjallar um íþróttasálfræði og líf íþróttamannsins í víðara samhengi.

Leikmenn SA uppskáru ríkulega í suðurferð nýliðinnar helgi. Víkingar mættu nýju liði Esjunar í fyrsta sinn í Laugardalnum, lokatölur leiksins urðu 8-3. Á sama tíma spilaði 3. Flokkur SA við Björninn í Egilshöll og unnu þeir sinn leik 8-1. Fyrir leikinn í Laugardalnum söng karlakór Esjunnar þjóðsönginn fyrir viðstadda og ljóst að nýji græni liturinn hefur ekki aðeins hleypt fersku blóði í deildarkeppnina heldur er liðið líka með sína eigin sérstæðu stemmningu í kringum sig sem gaman er að en öll umgjörð í kringum leikinn var til fyrirmyndar.

Ásgrímur Ágústsson heiðursfélagi Skautafélagsins varð sjötugur á þriðjudaginn. Skautafélagið færði honum gjöf í tilefni af deginum en meistaraflokksmenn Víkinga sáu um afhendinguna í afmælisveislu á heimili Ásgríms áður en þeir héldu til leiks gegn SR.