Æfingar byrja samkvæmt æfingatöflu, sem er óbreytt frá síðasta vetri, á næsta þriðjudag þann 22. ágúst. Stóri bónusinn í þessa árs starti er svo að öllum íshokkíiðkendum er boðið upp á frían aðgang að svellinu á mánudaginn 22. og miðvikudaginn 24. frá kl. 13 til 15, föstudaginn 26. frá kl 13 til 16. og miðvikudaginn 31. frá kl. 13 til 15. og endilega að draga með sér vini og vandamenn sem líklegir eru til að vilja koma svo og æfa með okkur. Í þessum skrifuðum orðum er verið að bera út til allra iðkenda kynningar bréf vertíðarinnar sem einnig má lesa hér og aftan á bréfinu er tímataflan sem þú getur skoðað hér. Svo nú er bara um að gera að nota helgina til að dusta rykið af gallanum og gera allt klárt í slaginn

Já gott fólk nú fer það að styttast að við komust á skauta. Heyrst hefur að kóngurinn í skautahöllinni ( Viðar) ætli sér að búa til svell á næstu dögum, og hvetjum við fólk að fylgjast með gangi mála.

Jan kobezda hefur aftur verið ráðin sem þjálfari skautafélags akureyrar.  Ekki er þó vitað hvort kappinn ætlar sér að spila með okkur næsta vetur. Vegna meiðsla í mjöðm sem hann hlaut fyrir nokkrum árum og urðu til þess að hann þurfti að hætta spila sem atvinnumaður. S.A munu nú enn eitt árið missa leikmenn því Birkir ætlar sér að leggja land undir fót, og reyna fyrir sér í danmörku sem er bara gott og blessað. Ekki er vitað hvað Mike Kobezda og Tibor Tatar ætla sér en það kemur í ljós síðar. Jón Ingi kemur þó aftur og verður hann góð viðbót fyrir liðið og jafnvel fleiri "gömul" S.A. andlit gætu einnig bæst í hópinn fyrir næsta vetur. Þannig að vonandi verður næsti vetur hinn skemmtilegasti. ÁFRAM S.A.!!!

Á þingi Íshokkísambands Íslands sem haldið var um helgina var m.a. samþykkt að breyta stigagjöf í Íslandsmóti karla þannig að fyrir unninn leik fáist 3 stig en eitt stig fyrir jafntefli. Ef leikur endar í jafntefli eftir venjulegan leiktíma verður framlengt um 2 x 10 mín, fjórir útispilarar gegn fjórum, og hlýtur sigurvegarinn úr framlengingunni aukastig. En ef enn er jafnt eftir framlengingu tekur við vítakeppni. Á þinginu var Viðar Garðarsson endurkjörinn formaður Íshokkísambandsins en auk hans voru þau Margrét Ólafsdóttir, Bjarni Bjarnason, Bjarni Gautason og Sigurður Sigurðsson kosin í aðalstjórn. Fyrsti varamaður var kosinn Birna Björnsdóttir, fyrrum gjaldkeri íshokkídeildar SR. Auk hennar eru þeir Hallgrímur Ingólfsson og Héðinn Björnsson varamenn. Nánar um þingið má lesa á heimasíðu ÍHÍ.                                    Frétt þessi er tekin af heimasíðu Skautafélags Reykjavíkur. skautafelag.is