Kvennaleikur í kvöld kl. 20:10

Í kvöld kl. 20:10 verður stórleikur hér í Skautahöllinni þegar Valkyrjur og Björninn eigast við annað skiptið í vetur og í fyrsta skiptið hér á heimavelli.  Fyrsti leikurinn fór fram um síðustu helgi fyrir sunnan og lauk honum með naumum 2-1 sigri Valkyrja. 
Leikurinn í kvöld verður án vafa bæði spennandi og skemmtilegur og stuðningsfólk SA sem og allt áhugafólk um íshokkí er eindregið hvatt til þess að láta sjá sig í höllinni.  Viðureignir þessara liða eru jafnan harðar og dramatískar en í baráttunni um Íslandsmeistaratitilinn skiptir hvert einasta stig máli.

Valkyrjur tefla fram sínu sterkasta liði í kvöld, allar eru við hestaheilsu og vel undirbúnar fyrir átökin.  Reiknað er með því að teflt verið fram fjórum línum af leikmönnum úr öllum aldursflokkum en breiddin er mikil í liðinu.
Valkyrjur – Björninn í Skautahöllinni í kvöld kl. 20:10 – ekki missa af þessu!