Skautafélag Akureyrar

Heldi manna mót MaggaFinns2019 verðu haldið hátíðlega um helgina í Skautahöllinni á Akureyri. Mótið er til minningar um fyrverandi formann íshokkídeildarinnar til fjölda ára, Magnús Einar Finnsson, en mótið hefur verið einn af hápunktum Oldboys mótanna á Íslandi til fjölda ára. Mótið hófst í gærkvöld með innbyrðisleikjum norðan liðanna en mótið heldur áfram föstudagskvöld frá kl. 21.15 og klárast á laugardag. Dagskrá mótsins má sjá hér að neðan. Lesa meira

Hafþór Andri Sigrúnarson hefur tekið við stöðu yfirþjálfara hjá yngri flokkum íshokkídeildarinnar. Hafþór hefur verið verið yfirþjálfari á ísnum í haust en tekur nú einnig yfir öllu skipulagi líkt og hann gerði á vorönn 2017. Hafþór er ráðin út tímabilið en Sarah Smiley er farin í barneignafrí. Öllum fyrirspurnum skal því héðan í frá beina til Haffa í gegnum facebook eða með tölvupósti á haffisigrunar@gmail.com Lesa meira

Fyrsta innanfélagsmótið í vetrarmótaröðinni hjá hokkídeildinni hefst núna á sunnudag. Iðkenndur og foreldrar eru beðnir um að kynna sér liðin og mætingar tíma og láta Hafþór Andra vita ef forföll verða með góðum fyrirvara. Hafþór er nú orðinn yfirþjálfari yngri flokka en Sarah er komin í barneignafrí. Liðin og leiktíma má sjá hér. Lesa meira

Árni Grétar Árnason var valinn krullumaður ársins. Lesa meira

Kjöri íþróttamanna Akureyrar var lýst í Hofi í gær við hátíðlega athöfn og var íshokkíkonan Silvía Rán Björgvinsdóttir úr SA í 2. sæti. Silvía bætti þar með enn einni rósinni í hnappagatið hjá sér en þetta eru fimmtu verðlaunin sem hún hlýtur fyrir frammistöðu sína á árinu 2018. Hún var valinn besti sóknarmaður Heimsmeistaramótsins á Spáni, valin íshokkíkona íshokkídeildarinnar, íshokkíkona ársins hjá ÍHÍ, íþróttakona SA og svo núna í 2. sæti í Íþróttakonu Akureyrar. Við óskum Silvíu hjartanlega til hamingju með þessa viðurkenningu. Lesa meira

Silvía Rán Björgvinsdóttir og Jóhann Már Leifsson hafa verið hlotið nafnbótina íþróttakona og íþróttakarl SA fyrir árið 2018. Bæði tvö voru valin íshokkífólk íshokkídeildarinnar á dögunum en einnig íshokkífólk ársins hjá Íshokkísambandi Íslands. Þau eru því tilnefnd af Skautafélaginu til íþróttafólks Akureyrar 2018 en kjörið fer fram miðvikudaginn 16. janúar kl. 17.30 í Hofi en öllum bæjarbúum er boðið í kjörið. Lesa meira

Íshokkílandslið U-20 hefur keppni í dag á heimsmeistaramótinu í 3. deild sem fram fer í Laugardal og stendur yfir fram á næsta sunnudag. Ísland mætir Ásralíu í fyrsta leik sínum en leikurinn hefst kl. 17.00 og er sýndur í beinni útseningu hér. Lesa meira

Þá eru þær stöllur Júlía Rós Viðarsdóttir, Freydís Jóna Jing Bergsveinsdóttir og Darja Zaychenko þjálfari komnar heim að lokinni fer á International childrens winter game sem fram fóru í Lake Placid í Bandaríkjunum í síðustu viku. Lesa meira

Það gleður okkur að tilkynna að Marta María Jóhannsdóttir hefur verið valin fulltrúi Íslands á Vetrar Evrópuhátíð Ólympíuæskunnar (European Youth Olympic Festival), sem fer fram í Sarajevó, Austur-Sarajevó og Bosníu-Hersegóvínu, dagana 9. - 16. febrúar, 2019. Lesa meira

Það gleður okkur að tilkynna að tveir fulltrúar frá LSA munu taka þátt í Alþjóða vetrarleikum barna 2019 – International Childrens Winter Games 2019 sem haldnir verða að þessu sinni í Lake Placid í Bandaríkjunum 6. til 11. janúar nk. Lesa meira

Sigursælasti leikmaður Skautafélags Akureyrar frá upphafi hann Sigurður Sveinn Sigurðsson var heiðraður af félaginu nú um helgina. Vígsla á nýjum risaskjá í Skautahöllinni var notað sem tilefni fyrir heiðrunina og stal senunni í upphafi leiks SA Víkinga og SR í Hertz-deild karla. Þá var treyju númerið hans Sigga fryst af félaginu en það þýðir að enginn leikmaður getur borið treyju númerið 13 í meistaraflokki karla héðan í frá. Til marks um það var fáni með númerinu hans Sigga og nafninu hans hengur upp í Skautahöllinni og var afhjúpaður af börnunum hans Sigga en þau bera öll númerið hans Sigga í yngri flokkum SA. Það kom þó fram í ræðunni að þau ein fái undantekningu frá þessari frystingu. Lesa meira

Jólaball hokkídeildar var haldið hátíðlegt á sunnudag en þar skemmtu iðkenndur sér saman ásamt þjálfurum og leikmönnum meistaraflokks. Bridget hans Jordans tók myndir af ballinu en þær má finna á heimasíðunni okkar hér. Lesa meira

SA Víkingar sigruðu SR 3-0 um helgina og fara inn í jólafríið á toppi deildarinnar. SA Víkingar eru komnir með 19 stig í deildinni en SR fylgja fast á eftir með 17 stig en hafa leikið 3 leikjum meira en Víkingar. Lesa meira

Jóhann Már Leifsson hefur verið valin íshokkíleikmaður ársins hjá Skautafélagi Akureyar árið 2018. Jóhann var einnig valin íshokkímaður ársins hjá Íshokkísambandi Íslands fyrir sama ár. Jóhann Már Leifsson var burðarrás í Íslandsmeistaraliði Víkinga á síðasta keppnistímabili og var ein helsta ástæðan fyrir velgengni Víkinga á síðari hluta tímabilsins í fyrra. Jóhann var einnig í landsliði Íslands á síðasta keppnistímabili. Lesa meira

Silvía Rán Björgvinsdóttir hefur verið valin íshokkíkona ársins hjá Skautafélagi Akureyar árið 2018. Silvía Rán var einnig valin íshokkíkona ársins hjá Íshokkísambandi Íslands. Silvía var einn allra besti leikmaður deildarkeppninnar í fyrra með ungu liði Ynja og hefur haldið uppteknum hætti í vetur með sameiginlegu kvennaliði SA og er stigahæsti leikmaður deildarkeppninnar það sem af er vetri. Silvía spilar einnig með 2. flokki SA og hefur einnig staðið sig vel þar í vetur. Lesa meira

Marta María Jóhannsdóttir var valin skautakona ársins hjá listhlaupadeild Skautafélags Akureyrar í gærkvöld en hún fékk afhennt verðlaunin í lok jólasýningar deildarinnar. Marta María er vel að titlinum komin en hún varð Íslandsmeistari í Junior flokki nú á dögunum annað árið í röð og setti einnig stigamet í flokknum. Þetta er annað árið í röð sem Marta er valin skautakona ársins og við óskum henni hjartanlega til hamingju með nafnbótina. Lesa meira

Listhlaupadeild Skautafélgs Akureyrar stendur fyrir hinni árlegu Jólasýningu sunnudaginn 16. des. kl: 17.00. Þar koma allir okkar iðkendur saman með töfrandi sýningu þar en þema sýningarinnar í ár er jólalestin sem kemur við á hinum ýmsu stöðum. Láttu ekki þessa frábæru sýningu fram hjá þér fara, sjón er sögu ríkari. Lesa meira

Um síðastliðna helgi kláraðist Íslandsmótið í Listhlaupi þar sem Skautafélag Akureyrar vann tvo Íslandsmeistaratitla af þremur en Marta María Jóhannsdóttir vann í Junior annað árið í röð eftir æsispennandi keppni við Aldís Köru Bergsdóttur. Ísold Fönn Vilhjálmsdóttir vann einnig Íslandsmeistaratitilinn í annað sinn í Advanced Novice með miklum yfirburðum. Lesa meira

Nóg um að vera í kvöld. Lesa meira

Fyrri keppnisdeginum á Íslandsmótinu og fyrri keppnisdeginum á Íslandsmeistaramótinu í listhlaupi fór fram á laugardag en þar hófst keppnin með keppnisflokknum chicks. Þar áttum við einn keppanda hana Berglindi Ingu. Því næst fór fram keppni í hópnum cups. Þar áttum við líka einn keppanda hana Sædísi Hebu. Þær stóðu sig gríðarlega vel, en í yngstu hópunum er ekki raðað í sæti. Lesa meira