Skautafélag Akureyrar Íshokkí

Þá erum við í hokkídeildinni búin að klára íshokkíveturinn með style! Við enduðum vetrarstarfið okkar með hinu skemmtilega vormóti sem við höldum alltaf í maí. Um er að ræða innanfélagsmót með 5 deildum, 17 lið í heildina fyrir krakka á aldrinum 4-16 ára. Mótinu lauk formlega með lokahófi á þriðjudaginn s.l. þar sem þátttakendur úr yngri flokkunum gæddu sér á grilluðum pylsum og allir fóru heim með viðurkenningar. Lesa meira

Hokkídeild SA hélt árshátíð sína þann 4. maí s.l. Það voru 123 sem fögnuðu saman tímabilinu, leikmenn frá u14 og upp úr, foreldrar og félagsmenn. Árinu var fagnað með góðum mat frá Vitanum Mathúsi og skemmtilegum myndbrotum úr leikjum vetrarins voru sýnd. Að lokum var verðlaunaafhending til einstaklinga eins og sjá má hér að neðan. Við óskum verðlaunahöfum til hamingju og bíðum spennt eftir nýjum hokkívetri. Lesa meira

Íshokkíþing 2023 var haldið um helgina í Pakkhúsinu á Akureyri. Alls voru mættir 19 þingfulltrúar frá aðildarfélögum ÍHÍ ásamt gestum. Dagskrá þingsins var samkvæmt lögum ÍHÍ og því nokkuð hefðbundin. Góðar umræður voru um laga- og reglugerðarbreytingar og önnur störf ÍHÍ síðustu árin. Ólöf Björk Sigurðardóttir fékk afhent gullmerki ÍSÍ fyrir sjálfboðaliðastörf í íþróttahreyfingunni en hún er nú að hefja sitt tuttugasta tímabil sem formaður íshokkídeildar Skautafélags Akureyrar. Lesa meira

Aðalfundur hokkídeildar var haldin í vikunni þar sem kosin var ný stjórn. Ólöf Björk Sigurðardóttir er áfram formaður stjórnarinnar og fer inn í sitt 20. tímabil sem formaður íshokkídeildar. Auk Ólafar voru kosin í stjórn þau Anna Sonja Ágústsdóttir, Elísabet Ásgrímsdóttir, Ari Gunnar Ólafsson, Benjamín Davíðsson, Ólafur Þorgrímsson, Eiríkur Þórðarson og Sæmundur Leifsson. Lesa meira

SA Jötnar tryggðu sér Íslandsmeistaratitilinn í U16 um helgina þegar úrslitahelgin fór fram. Mikil spenna var fyrir helgina þar sem aðeins þremur stigum munaði á milli Jötna og Víkinga en SA Víkingar unnu báða sína leiki gegn SR og tryggðu sér titilinn en SA Víkingar voru í öðru sæti, SR í þriðja og Fjölnir í fjórða. Lesa meira

Aðalfundur Íshokkídeildar Skautafélags Akureyrar verður haldinn þriðjudaginn 9. maí kl. 18:00 í fundarherbergi ÍBA í íþróttahöllinni. Lesa meira

SA liðin tryggðu sér báða Íslandsmeistaratitlana í síðasta helgarmóti U14 sem fram fór í Skautahöllinni á Akureyri um nýliðna helgi. SA Víkingar tryggðu sér Íslandsmeistaratitilinn í flokki A-liða og urðu SA Jötnar í öðru sæti. SA Garpar tryggðu sér Íslandsmeistaratitilinn í flokki B-liða. Við óskum þeim öllum til hamingju með titlana og árangurinn í vetur. Lesa meira

Íslenska karlalandsliðið í íshokkí hefur leik á Heimsmeistaramótinu í II deild A á morgun. Ísland er nú að taka þátt í deildinni í fyrsta sinn síðan 2018 en liðið vann B deildinna á heimavelli á síðasta ári. Mótið fer fram í Pista De Hielo Skautahöllinni í Madríd á Spáni en auk Íslands eru í riðlinum heimaliðið Spánn, Ástralía, Króatía, Ísrael og Georgía. Ísland mætir Georgíu í fyrsta leik mótsins sem fer fram á morgun kl. 10:30 á íslenskum tíma. Lesa meira

Íslenska U18 landsliðið fékk silfur á HM í 3.deild eftir svekkjandi tap gegn Ísrael í síðasta leik mótsins. Leikurinn var hreinn úrslitaleikur fyrir fullu húsi gesta en Ísrael fékk draumabyrjun í leiknum og komust í 2-0 í fyrstu lotu. Ísland náði að minnka munninn í 3. lotu í 2-1 en nær komumst við ekki því Ísrael bætti við þremur mörkum og tóku gullverðlaunin á mótinu. Birki Einisson var valinn besti leikmaður íslenska liðsins á mótinu og Arnar Helgi Kristjánsson var valinn besti varnarmaður mótsins. Lesa meira

Úrslitakeppnin í Hertz-deild karla í íshokkí hefst næsta þriðjudag 21. mars. SA Víkingar taka þá á móti Skautafélagi Reykjavíkur en SA Víkingar eru deildarmeistarar og byrja því á heimavelli en vinna þarf þrjá leiki til þess að tryggja sér Íslandsmeistaratitlinn í íshokkí. Leikurinn á þriðudag hefst kl. 19:30. Miðaverð er 1500 kr. en frítt inn fyrir 16 ára og yngri. Hægt er að tryggja sér miða í forsölu í Stubb. Við hvetjum fólk til þess að mæta í rauðu og litum þannig stúkuna í okkar lit. Sjoppan verður opin svo engin þarf að fara svangur heim. Áfram SA! Lesa meira

Íslensku U18 landsliðið hefur leik á HM á Akureyri á sunnudag en mótið fer fram daganna 12.-18. mars í Skautahöllinni á Akureyri. Þáttökuþjóðir auk Íslands eru Mexíkó, Ísrael, Bosnía- Herzegóvína og Lúxembourg. Opnunarleikur Íslands er á sunnudag en þá tekur Ísland á móti Mexíkó. Leikurinn er þriðji leikur dagsins og hefst kl. 20:00. Miðasala fer fram á Tix.is en miðaverð er 2000 kr. en mótspassi á alla leiki mótsins kostar 6000 kr og frítt er einn fyrir 16 ára og yngri. Dagskrá og tölfræði mótsins má finna hér. Lesa meira

SA tryggði sér Íslandsmeistaratitilinn í gærkvöld með 5-1 sigri á Fjölni í þriðja leik úrslitakeppninnar í Hertz-deild kvenna. SA vann einvígið 3-0 og átti sinn besta leik í gærkvöldi en liðið spilaði frábært hokkí og skemmtu áhorfendum með tilþrifum. Íslandsmeistaratitilinn var sá 21. í sögu félagsins. Lesa meira

SA mætir Fjölni í þriðja leik úrslitakeppni kvenna á morgun þriðjudag kl. 19:30 í Skautahöllinni Akureyri. SA leiðir einvígið 2-0 og getur með sigri tryggt sér Íslandsmeistaratitilinn. Mætum í rauðu og styðjum okkar lið til sigurs. Forsala miða hafin á Stubb. Lesa meira

Frábær frammistaða hjá stelpunum okkar í kvöld sem unnu 4-2 sigur á útivelli gegn Fjölni í öðrum leik úrslitakeppninnar. Fjölnir leiddi 1-0 eftir fyrstu lotu en á 10 mínútna kafla í annarri lotu náðum við að snúa leiknum í 3-1. Fjölnir minnkaði muninn í þriðju lotu en Herborg Geirsdóttir innsiglaði sigurinn með sínu öðru marki í leiknum. Katrín Björnsdóttir og Hilma Bergsdóttir skoruðu hin mörk SA í leiknum en SA var með 30 skot gegn 19 skotum Fjölnis. SA getur tryggt sér Íslandsmeistaratitilinn á þriðjudag þegar liðin mætast í þriðja sinn í Skautahöllinni á Akureyri kl. 19:30. Lesa meira

Frábær frammistaða hjá stelpunum okkar í kvöld sem unnu 4-2 sigur á útivelli gegn Fjölni í öðrum leik úrslitakeppninnar. Fjölnir leiddi 1-0 eftir fyrstu lotu en á 10 mínútna kafla í annarri lotu náðum við að snúa leiknum í 3-1. Fjölnir minnkaði muninn í þriðju lotu en Herborg Geirsdóttir innsiglaði sigurinn með sínu öðru marki í leiknum. Katrín Björnsdóttir og Hilma Bergsdóttir skoruðu hin mörk SA í leiknum en SA var með 30 skot gegn 19 skotum Fjölnis. SA getur tryggt sér Íslandsmeistaratitilinn á þriðjudag þegar liðin mætast í þriðja sinn í Skautahöllinni á Akureyri kl. 19:30. Lesa meira

SA leiðir einvígið gegn Fjölni 1-0 eftir sigur í vítakeppni. Engin mörk voru skoruð í leiknum en Kolbrún Björnsdóttir skoraði sigurmarkið í vítakeppninni og Shawlee Gaudreault hélt markinu hreinu hjá SA. Liðin mætast næst á laugardag í Egilshöll og þriðji leikur er á þriðjudag í Skautahöllinni Akureyri. Lesa meira

Fyrsti leikur í úrslitakeppninni í íshokkí í Hertz-deild kvenna milli SA og Fjölnis er á fimmtudag 2. mars í Skautahöllinni á Akureyr kl. 19:30. SA eru deildarmeistarar og byrja því á heimavelli en vinna þarf þrjá leiki til þess að tryggja sér Íslandsmeistaratitlinn í íshokkí. Miðaverð er 1500 kr. en frítt inn fyrir 16 ára og yngri. Hægt er að tryggja sér miða í forsölu í Stubb. Við hvetjum fólk til þess að mæta í rauðu og litum þannig stúkuna í okkar lit. Sjoppan selur pizzur og samlokur svo engin þarf að fara svangur heim. Áfram SA! Lesa meira

SA Víkingar eru deildarmeistarar 2023 en liðið var búið að tryggja sér titilinn fyrir nokkru en fékk bikarinn loks afhentan í gærkvöld eftir 5-2 sigur á Skautafélagi Reykjavíkur. Unnar Rúnarsson skoraði tvö mörk í leiknum, Uni Sigurðarson, Andir Mikaelsson og Gunnar Arason eitt mark hver. Róbert Steingrímsson var með 91.7% markvörslu í marki Víkinga en SA var með 24 skot á mark og SR 22 skot. SA Víkingar eiga einn leik etir af deildarkeppninni en hafa unnið 13 af 15 leikjum sínum í vetur. SA Víkingar mæta svo SR í úrslitakeppninni sem hefst 21. mars. Lesa meira

SA eru deildarmeistarar í Hertz-deild kvenna eftir tvo hörku leiki gegn Fjölni um helgina sem enduðu 4-2 og 3-0. Katrín Rós Björnsdóttir skoraði tvö marka SA í gær og Aðalheiður Ragnarsdóttir eitt. SA endaði deildarkeppnina með 42 stig en Fjölnir var með 30 stig. Úrslitakeppnin hefst á strax fimmtudag og er fyrsti leikur í einvígi SA vs Fjölnir í Skautahöllinni Akureyri kl. 19:30. Liðin eru búin að spila hnífjafna leiki í allan vetur og má búast við frábæri úrslitakeppni. Lesa meira

Það er júmbó hokkíhelgi í Skautahöllinni um helgina þar sem báðir meistaraflokkarnir spila tvíhöfða á heimavelli. Kvennaliðið tekur á móti Fjölni á laugardag kl. 16:45 og sunnudag kl. 10:00 en SA nægir stig eða bara hagstæð markatala úr viðureignunum til þess að tryggja sér deildarmeistaratitilinn í Hertz-deild kvenna. Þetta eru síðustu leikir liðanna fyrir úrslitakeppnina sem hefst í byrjun mars. Karlaliðið tekur á móti Fjölni á laugardag kl. 19:30 og svo Skautafélagi Reykjavíkur á sunnudag kl. 16:45. Það er ljóst að SA Víkingar eru deildarmeistarar en liðið mætir SR í úrslitakeppninni sem hefst 21. mars. Miðaverð er 1000 kr. á leikina en frítt inn fyrir 16 ára og yngri. Forsala miða er hafin í miðasöluappinu stubb. Lesa meira