Fréttir | Skautafélag Akureyrar

Íslenska karlalandsliðið hefur leik á HM í Búlgaríu

Sun, 05 Apr 2026 09:57:00 +0000

Íslenska karlalandsliðið í íshokkí hefur leik á Heimsmeistaramótinu í II deild B á morgun í Sofíu í Búlgaríu. Liðið hefur verið við æfingar á staðnum frá því á föstudag og undirbúningur gengið vel. Í gær spilaði Ísland æfingaleik gegn heimamönnum í Búlgaríu og lauk leiknum með öruggum 10–2 sigri íslenska liðsins.

Skautarnir hennar Eddu Indriðadóttur komnir í Skautahöllina

Tue, 31 Mar 2026 08:20:00 +0000

Heiðursfélagi Skautafélags Akureyrar og margfaldur Íslandsmethafi í skautahlaupi afhenti félaginu um helgina skautahlaupsskautana sína sem hún notaði við flest þau afrek sem hún vann til á ferlinum. Skautana afhenti hún félaginu á vormóti ÍSS sem fram fór um helgina og eru þeir nú til sýnis í Skautahöllinni ásamt verðlaunapeningum hennar og keppnisnúmerinu hennar, 13.

SA Jötnar Íslandsmeistarar U22 liða

Mon, 30 Mar 2026 15:47:00 +0000

U22 lið Jötna tryggði sér Íslandsmeistaratitilinn um helgina eftir sigur á Húnum í Egilshöll. Jötnar unnu fyrri leikinn 5–2 í tvíhöfðanum og tryggður sér þar með Íslandsmeistaratitlinn en þetta var sjöundi sigur liðsins á Húnum í vetur.

Leik 3 í úrslitakeppninni frestað til morguns vegna veðurs!

Thu, 26 Mar 2026 10:32:00 +0000

Leikur 3 í úrslitakeppninni í Toppdeild kvenna sem fara átti fram í dag er frestað til morguns vegna veðurs! Leikurinn verður leikinn á föstudag kl. 16:45. Við sjáumst í stúkunni ❤️🤍🖤 Forsöluverð í Stubb 2500 kr fyrir fullorðna. Miðaverð 3000 kr. í hurð. 15 ára og yngri 1000 kr. Ath almenn árskort gilda ekki á úrslitakeppnina Gull- og Silfurkort gilda og halda sínum sætum. 🎟 https://stubb.is/events/b890gn 🍔Hamborgarasalan hefst 30 mín fyrir leik í Miðgarði.

Breyttur leiktími - fyrsti leikur í úrslitum byrjar kl 17:00

Sat, 21 Mar 2026 15:18:00 +0000

Athugið breyttan leiktíma – fyrsti leikur í úrslitum kvenna hefst kl. 17:00 vegna ófyrirsjáanlegra aðstæðna.

Forsala miða hafinn á fyrsta leik í úrslitakeppnina í Toppdeild kvenna

Tue, 17 Mar 2026 11:56:00 +0000

Úrslitakeppni kvenna hefst á laugardag í Skautahöllinni á Akureyri. Miðasala hafinn á #leik 1 í Stubb.

Úrslitakeppnin í Toppdeild kvenna hefst á laugardag

Mon, 16 Mar 2026 11:00:00 +0000

Úrslitakeppnin í Toppdeild kvenna hefst næsta laugardag, 21. mars. Skautafélag Akureyrar unnu deildarmeistaratitilinn og hafa því heimaleikjaréttinn. SA tapaði aðeins einum leik í deildarkeppninni en leikirnir við SR hafa flestir verið jafnir og spennandi svo búast má við hörkuviðureign í úrslitakeppninni. Leikið verður svo til skiptis heima og að heimann þangað til annað liðið nær að vinna þrjá leiki og tryggja sér þannig Íslandsmeistaratitlinn í íshokkí.

Forsala miða á leik #2 hafinn í Stubb

Tue, 10 Mar 2026 17:01:00 +0000

Miðasala á stórleikinn - leik#2 í úrslitakeppninni, fimmtudaginn 12. mars, er hafinn í Stubb.

minningarorð um Sólveigu Huldu

Mon, 09 Mar 2026 07:45:00 +0000

Í dag kveðjum við kæran félaga og eina af okkar bestu, Sólveigu Huldu Valgeirsdóttur. Sólveig Hulda hafði stórt SA-hjarta, eins og við segjum gjarnan um þá sem eru alltaf tilbúnir að leggja félaginu okkar lið. Í rúm tuttugu ár var hún virkur og ómetanlegur þátttakandi í starfi hokkídeildar Skautafélags Akureyrar.

Úrslitakeppnin í Toppdeild karla hefst á þriðjudag í Laugardal

Wed, 04 Mar 2026 08:24:00 +0000

Úrslitakeppnin í Toppdeild karla hefst næsta þriðjudag, 10. mars. Skautafélag Reykjavíkur er deildarmeistari eftir spennandi úrslitaviðureign í Laugardal um síðustu helgi þar sem báðir leikir fóru í framlengingu og SR vann þar í bæði skiptin og tryggðu sér heimaleikjaréttinn í úrslitakeppninni. Leikið verður svo til skiptis heima og að heimann þangað til annað liðið nær að vinna þrjá leiki og tryggja sér þannig Íslandsmeistaratitlinn í íshokkí.

Ísland hársbreidd frá gullinu á U18 HM í Sarajevó

Tue, 24 Feb 2026 13:54:00 +0000

U18 drengjalandslið Íslands vann til silfurverðlauna á Heimsmeistaramótinu í 3. deild B sem fram fór í Sarajevó í Bosníu-Hersegóvínu í liðinni viku. Ísland lék til úrslita á mótinu þar sem liðið mætti sterku liði Taílands en tapaði leiknum naumlega í framlengingu eftir jafnan og spennandi leik.

Fréttir af okkar leikmönnum í Evrópu

Wed, 18 Feb 2026 18:31:00 +0000

Nú þegar fer að líða að hápunkti íshokkítímabilsins í Evrópu ætlum við að flytja fregnir af stöðu leikmanna úr SA sem leika með liðum víðsvegar um álfuna. Úrslitakeppni sænsku NDHL deildarinnar hefst í dag og þar eigum við þrjár leikmenn sem berjast um meistaratitilinn og sæti í SDHL. Einnig eru leikmenn okkar í Hollandi, Þýskalandi og Danmörku að undirbúa sig fyrir úrslitakeppnir á næstu vikum.

Nammiverksmiðjan í Skautahöllinni

Thu, 12 Feb 2026 14:27:00 +0000

Akureyri.net fjallaði nýverið um nammipökkun í Skautahöllinni fyrir Öskudag. Fjáröflunin, sem hefur fest sig í sessi undanfarin ár, krefst góðrar samvinnu og þátttöku margra. Eftir Snæfríði Ingadóttur – Akureyri.net

U18 drengja landslið Íslands í íshokkí mætt á HM til Bosníu-Hersegóvínu

Thu, 12 Feb 2026 11:06:00 +0000

U18 drengja landslið Íslands í íshokkí er nú mætt til Sarajevó í Bosníu-Hersegóvínu þar sem liðið mun keppa á HM í 3. Deild B næstu daga. SA á 12 fulltrúa í liðinu að þessu sinni og einnig aðila í fararstjórn liðsins. Auk Íslands eru Túrkmenistan, Lúxemborg, Bosnía-Hersegóvína, Taíland og Suður-Afríka í riðlinum. Ísland mætir Lúxemborg í fyrsta leik á föstudag kl. 15:00 á íslenskum tíma og ætti fyrirfram að vera þægilegur fyrsti leikur fyrir Íslenska liðið áður en við mætum Túrkmenistan og svo Taílandi sem eru bæði tvö með öflug lið. Nýtt fyrirkomulag er á þessu móti sem verið er að prófa en liðin leika fyrst 3 leiki í undanriðlum og þar á eftir spila liðin 2 leiki í undanúrslitum og úrslitakeppni. Fylgjast má með allri tölfræði, stöðu og dagskrá mótsins á heimasíðu alþjóða íshokkísambandsins. Allir leikir mótsins eru í beinu streymi á streymisveitu Íshokkísamband Íslands og aðgengilegir fyrir áskrifendur á IcehockeyIceland.tv.

U18 landslið kvenna með silfurverðlaun á HM þriðja árið í röð

Tue, 03 Feb 2026 18:13:00 +0000

U18 kvennalandslið Íslands vann til silfurverðlauna á HM í 2. deild B sem hefur farið fram í Cape Town í Suður-Afríku síðustu daga. Þetta er þriðja árið í röð sem liðið vinnur til silfurverðlauna á þessu móti en Ísland tryggði sér silfrið með frábærum sigri á Taívan í lokaleiknum þar sem Ragnheiður Alísar Ragnarsdóttur skoraði gullmarkið í framlenginu. Rúmenía kom sá og sigraði en liðið koma upp í þessa deild á síðasta ári og fóru beinustu leið upp. Mótið litaðist nokkuð sterkt af illkvitinni matareitrun sem að liðið lennti í við komuna til Suður Afríku en fleiri lið urðu fyrir barðinu á þessari óværu. Íslenska liðið tapaði stigum í öðrum og þriðja leik mótsins en komu sterkar tilbaka og unnu síðustu tvo leikina til þess að ná öðru sætinu í riðlinum. Kolbrún Björnsdóttir var valinn besti leikmaður Íslands í mótinu og Sólrún Assa Arnardóttir hlaut þann heiður að vera valinn besti sóknarleikmaður mótsins. Við óskum liðinu til hamingju með árangurinn og frammistöðuna í mótinu.

Íþróttafólk Akureyrar heiðrað á íþróttahátíð Akureyrar í gærkvöld

Fri, 30 Jan 2026 13:50:00 +0000

Íþróttafólk og íþróttafélög Akureyrar var heiðrað í gær á íþróttahátið Akureyrar sem fram fór í Menningarhúsinu Hofi. Íshokkíkarlinn Unnar Hafberg Rúnarsson var í 4. sæti yfir íþróttakarla Akureyrar. Hlauparinn Baldvin Þór Magnússon frá UFA er íþróttakarl Akureyrar 2025 og knattspyrnukonan Sandra María Jessen frá Þór/KA er íþróttakona Akureyrar 2025.

Sædís og Ylfa hefja keppni á Norðurlandamótinu í dag

Thu, 29 Jan 2026 10:24:00 +0000

Listskautastúlkurnar Sædís Heba Guðmundsdóttir og Ylfa Rún Guðmundsdóttir stíga á ísinn í dag og hefja keppni á Norðurlandamótinu sem fer fram dagana 28. janúar - 1. febrúar í Hvidøve í Danmörku. Skautasamband Íslands sendir sex keppendur á mótið en einnig þjálfara keppendanna, liðstjóra og fulltrúa í damóra- og tæknipanel. Sædís og Ylfa Rún hefja keppni nú í dag en Sædís hefur keppni í Junior flokki kl. 16:30 á íslenskum tíma og Ylfa Rún í Advanced Novice kl. 11:15. Keppnin er í beinu streymi hér.

U20 landslið Íslands niður um deild

Mon, 26 Jan 2026 14:57:00 +0000

U20 ungmennalandslið Íslands í íshokkí féll niður um deild eftir grátlega niðurstöðu í síðasta leik þar sem liðið tapaði gegn Ástralíu með minnsta mun. Sigur í leiknum hefði tryggt liðinu áframhaldandi sæti í deildinni eftir frækinn sigur gegn Serbíu í leiknum þar á áður en þess í stað fellur liðið niður um deild. Ísland var með 3 marka forystu fyrir síðustu lotuna en Ásralía vann upp 3 marka muninn í tvígang og skoruðu 6 mörk í síðustu lotunni gegn 2 mörkum Íslands og unnu 6-5 og tryggðu sér silfurverðlaun með sigrinum. Holland var lang sterkasta liðið í riðlinum og fer upp um deild og Ísrael fékk brons.

Íslenska U18 stúlkna landslið Íslands á leið á Heimsmeistaramót í Suður-Afríku

Fri, 23 Jan 2026 20:37:00 +0000

U18 stúlkna landslið Íslands í íshokkí lagði af stað í langferð frá Keflavík í morgun en liðið er nú á ferðalagi til Cape Town í Suður-Afríku þar sem liðið mun leika á Heimsmeistaramótinu í 2.deild B á næstu dögum. SA á 11 fulltrúa í liðinu í ár auk aðila í þjálfarateyminu og fararstjórn. Fyrsti leikur liðsins er á mánudag en þá mætir liðið heimaliðinu, Suður-Afríku. Næstu leikir liðsins eru svo gegn Belgíu, Rúmeníu, Mexíkó og svo Taívan. Fylgjast má með allri tölfræði, stöðu og dagskrá mótsins á heimasíðu alþjóða íshokkísambandsins. Allir leikir mótsins eru í beinu streymi á streymisveitu Íshokkísamband Íslands og aðgengilegir fyrir áskrifendur á IcehockeyIceland.tv. Fyrsti leikur Íslands gegn Suður-Afríku hefst kl. 18:00 á mánudag á íslenskum tíma.

Íslenska U20 drengja landslið Íslands hefur leik á HM á sunnudag

Fri, 16 Jan 2026 11:41:00 +0000

Íslenska U20 drengja landslið Íslands er nú lagt af stað til Belgrad í Serbíu þar sem liðið mun á næstu dögum leika á Heimsmeistaramótinu í 2 deild B. Í riðlinum eru Ástralía, Holland, Ísrael, Nýja-Sjáland og Serbía auk Íslenska liðsins en íslenska liðið mætir Ísrael í sínum fyrsta leik á sunnudag. SA á 13 fulltrúa í liðinu auk fulltrúa í fararstjórn og þjálfarateymi. Fylgjast má með allri tölfræði, stöðu og dagskrá mótsins á heimasíðu alþjóða íshokkísambandsins. Allir leikir mótsins eru í beinu streymi á streymisveitu Íshokkísamband Íslands og aðgengilegir fyrir áskrifendur á IcehockeyIceland.tv. Fyrsti leikur Íslands á sunnudag gegn Ísrael hefst kl. 15:00.