Fylgist með okkur á Facebook
________________________________________________
Kæru foreldrar
Við hjá LSA vildum vekja athygli ykkar á árlegu sumaræfingabúðunum okkar sem haldnar eru í ágúst ár hvert. Þessar æfingabúðir eru fyrir alla keppnisiðkendur, fáum til okkar erlenda þjálfara og erlenda skautara og höfum líka ráðið sjúkraþjálfara og einkaþjálfara. Þetta árið fáum við aftur til okkar þjálfara frá Slóvakíu sem heitir Iveta Reitmayerova og á hún tvö börn sem bæði skauta og eru farin að keppa á heimsmeistaramótum og Ólympíuleikunum. Einnig tekur Iveta með sér að utan lítinn strák sem þykir mjög efnilegur. Æfingabúðirnar eru skipulagðar í 3 vikur samtals eða frá 9. - 27. ágúst (síðustu vikuna verða æfingarnar eftir skóla og með sama sniði og æfingar yfir veturinn). Í boði verður á hverjum degi fyrstu 2 vikurnar 2 ístímar og 1 afístími sem og heitur/kaldur matur í hádegi og ávöxtur á milli æfinga. Skráning er búin að vera í gangi frá því í vor og það eru enn laus pláss í öllum hópunum. Heildarverðið er kr. 40.000 fyrir allt tímabilið með mat og ávöxtum. Þjálfarar LSA mæta eindregið með því að þeir sem geta taki þátt, iðkendur læra svo mikið á þessum tíma og þetta er mjög góður undirbúningur fyrir næsta vetur og líka mjög gaman :)
Ef þið hafið áhuga á að skrá barnið ykkar í æfingabúðirnar endilega sendið tölvupóst á skautar@gmail.com og á ruthermanns@hive.is þar sem fram kemur fullt nafn barns og æfingaflokkur sl. vetur og kennitala, fullt nafn foreldra, símanúmer og heimilisfang. Ath. að það er hægt að nota ávísanirnar frá Akureyrarbæ til að borga fyrir námskeiðið. Staðfestingargjald er kr. 10.000 og verður innheimt um leið og skráning hefur borist. (Ef skráning berst eftir 14. júlí hjá iðkendum í C2 og upp úr eða eftir 24. júlí hjá C3 og C4 þá leggst kr. 5000 ofan á heildarverðið)
