Árni Grétar Krullumaður ársins 2018

Árni hefur frá því að hann hóf að spila krullu árið 2006, náð mjög góðum tökum á íþróttinni og er nú í fremstu röð krullufólks, tæknilega nákvæmur og útsjónarsamur. Árni hefur gegnum tíðina verið máttarstólpi í liði Garpa sem hafa unnið marga titla á undanförnum árum m.a. Íslandsmeistaratitil árin 2015, 2017 og 2018.  Einnig hefur Árni tekið þátt í Evrópumótum á vegum Alþjóða Krullusambandsins WCF.   Árni er einn af þeim sem ávallt er reiðubúin til starfa fyrir félagið og vinnur störf sín af  fórnfýsi og samviskusemi.     Þetta er í fyrsta sinn sem Árni hlýtur þann heiður að vera valinn krullumaður ársins og er hann vel að titlinum kominn.

Krulludeild Skautafélags Akureyrar óskar Árna Grétari innilega til hamingju með titilinn.