Haustmótið 2017

3. umferð haustmótsins verðu leikin í kvöld.  Reglurnar eru þær að dregið verður í lið fyrir hvern leik þannig að leikmenn spila með nýju liðið hvern leikdag.  Þannig safnar hver stakur leikmaður stigum eftir því hvernig liði hans gengur í hvert sinn.  Hver leikur verður 6 umferðir. Stigagjöf verður þannig að fyrst telja stig, 2 fyrir sigur, 1 fyrir jafntefli og 0 fyrir tap, svo telja endar og loks skoraðir steinar. T.d. Gunna var í liði sem vann sinn fyrsta leik með 4 endum og 7 steinum og fær þá 2+4+7= 13 stig.  Jón var í tapliði sem vann 2 enda og skoraði 5 steina og fær þá 0+2+5=7 stig.  Sá leikmaður sem flest stig hlítur telst sigurvegarinn. 

Árni Grétar og Hallgrímur eru eftstir eftir 2 umferðir en staðan verður sett hér inn eftir umferð kvöldsins. 

Leikirnir byrja kl. 19:30 þannig að gott er að vera mætt eitthvað fyrr svo hægt sé að draga í lið fyrir þann tíma. 

Þó öllum sé frjálst að mæta í haustmótið erum við einnig að taka á móti nýliðum og þeim reyndari á mánudögum frá 18:20 - 19:30.  Allir velkomnir. Aldur og fyrri störf skipta engu.  Það er frítt að æfa krullu!