Skautafélag Akureyrar Íshokkí

Hilma opnaði markareikning SA rétt eftir miðja fyrstu lotu. Þær voru þá að spila í yfirtölu eftir brot frá Reykjavík. Ragnhildur Kjartansdóttir, sem nú komin heim og spilar aftur með SA-liðinu, átti stoðsendinguna. Stuttu seinna skoraði Teresa annað mark SA, stoðsendingu áttu Anna Sonja og Sarah. Reykjavík náði að minnka muninn stuttu síðar og staðan eftir fyrstu lotu var því 1:2. Leikurinn var í járnum meiri part annarrar lotu en þegar lotan var rúmlega hálfnuð skoraði Sarah glæsilegt mark með stoðsendingu frá Kolbrúnu og Teresu. Staðan 1:3 og þannig var hún eftir fyrsta leikhluta. Lesa meira

SA Víkingar taka á móti Birninum í toppslag Hertz-deildarinnar þriðjudaginn 7. janúar kl. 19:30 í Skautahöllinni á Akureyri. Víkingar og Björninn berjast nú á toppi deildarinnar en bæði lið eru með 18 stig. SA Víkingar tefla fram gríðarlega ungu og efnilegu liði í vetur þar sem allir leikmenn liðsins eru uppaldir í félaginu og þurfa nú nauðsynlega á stuðningi stúkunnar að halda. Aðgangseyrir 1000 kr. en Víkingar ætla að bjóða öllum 18 ára og yngri frítt á leikinn á laugardag. Sjáumst í Skauthöllinni á laugardag! Lesa meira

Nú er komið jólafrí í deildarkeppnunum erlendis en þar eigum við fjölmarga leikmenn sem allir hafa staðið sig frábærlega á fyrri hluta móts. Silvía Rán Björgvinsdóttir sem spilar með Södertälje í sænsku 1. deildinni er bæði stigahæsti og markahæsti leikmaður 1. deildarinnar sem stendur. Silvía hefur raðað inn mörkunum í vetur og er komin með 21 mark í 18 leikjum og 8 stoðsendingar ofan á það og 29 stig í heildina. Liðið hennar Södertälje er í öðru sæti austur-deildarinnar og hefur unnið 15 leiki en aðeins tapað 3 á tímabilinu. Sunna Björgvinsdóttir sem einnig spilar með Södertälje lenti í meiðslum síðari hluta tímabilsins en hefur einnig verið dugleg í markaskorun en hún er með 16 stig í 14 leikjum og með 6 stig í síðustu tveimur leikjum eftir að hún snéri aftur úr meiðslunum. Lesa meira

SA vann sanngjarnan 7:2 sigur á liði Reykjavíkur í Skautahöllinni á Akureyri í kvöld og fara því með 16 stig í jólafríið gegn 5 stigum Reykjavíkur þegar eftir er að leika þrjá leiki í deildinni, þannig að Reykjavíkurliðið getur ekki náð þeim að stigum. Lesa meira

Karlalandsliðið í íshokkí er nú statt í Brasov í Rúmeníu þar sem það hefur leik í undankeppni Ólympíuleikanna í dag. Fyrsti andstæðingur liðsins er Kyrgyztan en leikurinn hefst kl. 13.00 á íslenskum tíma og má sjá beina útsendingu frá leiknum hér. Ísland mætir svo Ísrael á morgun og Rúmeníu á laugardag en aðeins efsta liðið í riðlinum fer áfram í næstu umferð. Lesa meira

SA stúlkur koma stigalausar heim úr Reykjavíkurferð í kvöld en Reykjavík vann sanngjarnan 5:4 sigur í Skautahöllinni í Laugardalnum. Þrátt fyrir það eru SA stúlkur enn með mikið forskot í deildinni en þær eru með 13 stig en Reykjavík með 5. Næsti leikur liðanna er næsta laugardag á heimavelli SA. Lesa meira

Í kvöld áttust lið SA og Reykjavíkur við í Skautahöllinni á Akureyri. Fyrir leikinn í kvöld var lýst vali hokkídeildarinnar á hokkífólki ársins sem eru þau Kolbrún María Garðarsdóttir og Hafþór Andri Sigrúnarson. Við óskum þeim hjartanlega til hamingju, þau eru vel að titlunum komin. Lesa meira

SA Víkingar lögðu Björninn á laugardag í stórskemmtilegum leik í toppslag Hetrz-deildar karla með 6 mörkum gegnum 3. SA Víkingar jöfnuðu Björninn að stigum á toppi Hertz-deildarinnar en bæði lið eru nú með 12 stig en aðeins betri markatala Víkinga skilur liðin að. Jóhann Már Leifsson og Hafþór Andri Sigrúnarson voru atkvæðamiklir að vanda í leiknum og skoruðu tvö mörk hvor. Lesa meira

Í kvöld áttust við lið SA og Reykjavíkur í meistaraflokki á heimavelli SA stúlkna í skautahöllinni á Akureyri. Leiknum lauk með sigri SA, 9:4. Sigurinn var aldrei í hættu og komst SA mest í 8:1. Sami Lehtinen spilaði fram 21 leikmanni meðan Reykjavíkur-liðið var aðeins með 13. Í liði SA komu nú enn inn ungar stúlkur sem eru að stíga sín fyrstu skref með meistaraflokki og stóðu þær sig vel þó þær væru greinilega svolítið taugaóstyrkar. Þrátt fyrir að vera aðeins með 11 útispilara börðust Reykjavíkurstúlkur vel. Sigur SA var samt verðskuldaður og öruggur. Lesa meira

Það er stór og skemmtileg hokkíhelgi framundan þar sem karla, kvenna og U18 liðin okkar spila öll á heimavelli. Veislan hefst strax á föstudag þegar U18 liðið okkar tekur á móti Birninum/Fjölni kl. 16:30 í Skautahöllinni á Akureyri. Á laugardag taka SA Víkingar á móti Birninum/Fjölni í Hertz-deild karla kl. 16:45 og við endum svo veisluna á fyrsta heimaleik SA kvenna kl. 19:00 á laugardag. Lesa meira

Seinni leikur SA og RVK í tvíhöfða helgarinnar var spilaður í morgun og lauk honum með sigri SA, 3-6. Þar með bættust þrjú mikilvæg stig í hús og stelpurnar koma heim í kvöld með sex stig. Þær eru alls með 7 stig og Reykjavík með 2. Lesa meira

SA stúlkur byrjuðu betur í kvöld gegn RVK í Egilshöll, enda ákveðnar í að tapa ekki öðrum leik, en þær töpuðu í vítakeppni í fyrsta leik deildarinnar fyrir nokkrum vikum. Þær sigruðu örugglega í leiknum, 2-7. Þær komust yfir strax á annarri mínútu þegar Teresa skoraði efitr stoðsendingu frá Ingu Rakel. Jónína bætti svo öðru marki við á 12. mínútu með stoðsendingu frá Sólveigu. Lesa meira

Það var líf og fjör á Barnamóti Greifans í íshokkí í Skautahöllinni nú um helgina þar sem um 150 börn tóku þátt. Aldrei hefur annar eins fjöldi stúlkna tekið þátt í barnamóti í íshokkí á Íslandi og í fyrsta sinn sem tvö kvennalið áttust við í bæði í 5. flokk og 7. flokki. Það hittist einnig svo á að allir þjálfarar liðanna sem og dómarar á leikjunum voru einnig konur. Það má því með sanni segja að mikil gróska sé í íslensku kvennaíshokkí um þessar mundir. Bjarni Helgason náði myndum af þessum sögulegu augnarblikum og verður spennandi að fylgjast með þessum upprennandi íshokkístúlkum á komandi árum. Lesa meira

SA Víkingar mæta SR í Hertz-deildinni þriðjudaginn 8. október kl. 19.30 í Skautahöllinni á Akureyri. SA vann flottan sigur á SR í fyrsta leik sínum í deildarkeppninni og eru jafnir Birninum/Fjölni að stigum í efsta sæti deildarinnar. Sjoppan verður opin á sínum stað með kaffi og með því, aðgangseyrir 1000 kr. frítt fyrir 16 ára og yngri. Lesa meira

SA Víkingar töpuðu naumlega síðast leik sínum í Evrópukeppninni í gær gegn heimaliðinu Zeytingburnu Istanbul, lokatölur 3-4. SA Víkingar voru komnir í góða stöðu og leiddu leikinn 3-1 eftir aðra lotu en þrjú mörk Zeytinburnu í lokalotunni urðu okkur að falli. Egill Birgisson, Matthías Stefánsson og Andri Mikaelsson skoruðu mörk Víkinga í leiknum. SA Víkingar töpuðu því öllum þremur leikjum sínum í Evrópukeppninni og lentu í 4. sæti riðilsins. Crvena Svesda Berlgrade vann alla sína leiki og fer áfram í keppninni. Lesa meira

SA Víkingar eru nú mætir til Istanbul í Tyrklandi og hefja leik í Evrópukeppni félagsliða í dag. Víkingar hefja nú leik í A-riðli þar sem við munum mæta liðum frá Serbíu, Búlgaríu og Tyrklandi. Mótherjinn í fyrsta leik eru serbísku meistararnir Crvena Svezda Belgrade sem eru fyrirfram taldir sterkasta liðið í mótinu. Leikurinn hefst kl. 13.00 á íslenskum tíma og við bíðum eftir að fá straum á beina útsendingu og munum birta hann um leið og hann berst. Við sendum baráttukveður til strákann í Istanbul og fylgjumst spennt með. Hér má finna tölfræðina í riðlinum og skoða mótherjanna nánar. Lesa meira

Aðalfundur foreldrafélags íshokkídeildar SA verður 25. september n.k. kl.20. Fundurinn verður haldinn í fundarherberginu í skautahöllinni. Efni: Venjulega aðalfundarstörf- kosið um lagabreytingu Hvetjum sem flesta til að mæta á fundinn þar sem verður farið yfir síðasta vetur og hvað er framundan í vetur. Einnig hvetjum við þá sem eru áhugasamir um að bjóða sig fram í stjórn foreldrafélagsins. Lesa meira

Ungt lið SA Víkinga sigraði Björninn á sunnudag í fyrstu umferð Lýsisbikarsins með þremur mörkum gegn tveimur. Sigurmarkið kom í framlengingu en það var engin annar en landsliðsfyrirliðinn Ingvar Jónsson sem skoraði markið með glæsilegu einstaklingsframtaki. SA Víkingar eru með flest stig eftir fyrstu umferðina en liðið fékk einnig fullt hús stiga á laugardag þar sem SR gaf þann leik. Lesa meira

Nú er íshokkítímabilið að hefjast vítt og breitt um heiminn og undirbúningstímabilið hjá íshokkífólkinu okkar erlendis í fullum gangi. Við eigum 5 stúlkur sem spila í 1. deildinni í Svíþjóð og spiluðu þær allar sínu fyrstu leiki með nýjum liðum um helgina og skemmtileg tilviljun að þær mætust einmitt allar á sama mótinu. Silvía og Sunna Björgvinsdætur byrjuðu tímbailið vel og hrósuðu sigri í MonkeySports bikarnum með liði sínu Södertälje en þær röðuðu einnig inn stigum fyrir sitt lið. Silvía skoraði 3 mörk og átti eina stoðsendingu og var næst stigahæsti leikmaður mótsins. Sunna var með 3 stoðsendingar og fjórði stigahæsti leikmaður mótsins og fékk einnig mikið lof fyrir varnarleikinn sinn og þá sérstaklega í úrslitaleiknum. Ragnhildur Kjartansóttir og lið hennar Färjestad spiluðu til úrslita gegn Södertälje og náði Ragnhildur að opna markareikninginn í fyrsta leik mótsins en Ragnhildur er sóknarsinnaður varnarleikmaður af bestu gerð. Saga Margrét Blöndal og Herborg Geirsdóttir spiluðu sem lánsleikmenn með Vesteras í mótinu en báðar eru þær á mála hjá Troja/ljungby og þóttu standa sig vel á mótinu. Lesa meira

Bikarkeppni Íshokkísambands Íslands -Lýsibikarinn hefst nú um helgina. SA Víkingar áttu að hefja leik á móti liði Skautafélags Reykjavíkur á laugardag en hefur verið aflýst. Fyrsti leikur SA Víkinga verður því ekki fyrr en á sunnudag en þá tekur liðið á móti Birninum og hefst sá leikur kl. 16.45. Lýsibikarinn er bikarkeppni þriggja aðildarfélaga Íshokkísambands Íslands, keppnisfyrirkomulag er tvöfaldur Round Robin, samtals 6 leikir. Það er Lýsi hf sem er aðal stuðningsaðili keppninnar og býður öllum frítt á alla leiki keppninnar. Lesa meira